மச்சம் முதுமையைத் தடுக்கும்?

"உனக்கு மச்சம்" என்ற சொற்றொடர் அதிர்ஷ்டம் என்ற பொருளில் பயன்பட்டு வந்தது, இப்போது நீடித்த இளமை என்ற பொருளும் அதற்குண்டு என்று இந்தச்செய்தி தெரிவிக்கிறது

உடலில் அதிக இடங்களில் மச்சம் இருந்தால் அதற்காக கவலைப்பட தேவையில்லை. அழகு கெட்டு விடுமோ என்றும் கவலைப்படவேண்டாம். அதிக மச்சம் இருப்பது விரைவில் முதுமை அடைவதை தடுக்கிறதாம்.

இங்கிலாந்தை சேர்ந்த கிங்கல்லூரி டாக்டர்கள் மச்சம் தொடர்பாக ஒரு ஆய்வுமேற்கொண்டனர். 10 ஆண்டுகளாக இந்த ஆய்வு மேற்கொள்ளப்பட்டது. குழந்தைகள், இளம்வயதினர், முதியோர், இரட்டை பிறவிகள் என 1800பேரிடம் இந்த ஆய்வு நடத்தப்பட்டது.

இதில் அதிக மச்சம் உள்ளவர்களிடம் டெலோமியர் என்ற பொருள் அதிகம் இருப்பது தெரிய வந்தது. இதன்காரணமாக அவர்கள் முதுமை அடைவது தாமதப்படுகிறது. அவர்கள் அதிக நாட்கள் இளமையுடன் இருக்கும் வாய்ப்பும் அதிகரித்தது.