சற்றுமுன்: தமிழகம் - பட்ஜெட் கூட்டத்தொடர் தொடங்கியது

தமிழக சட்டசபையின் பட்ஜெட் கூட்டத் தொடர் தொடங்கியது


சென்னை: தமிழக சட்டசபையின் பட்ஜெட் கூட்டத் தொடர் இன்று காலை துவங்கியது. நாளை பட்ஜெட் தாக்கல் செய்யப்படுகிறது. தமிழக 13வது சட்டசபையின் ஐந்தாவது கூட்டத் தொடர் இன்று காலை 9.30 மணிக்கு துவங்கியது.
முன்னாள் எம்.எல்.ஏ.க்கள் வரகூர் பழனிவேலு மேட்டூர் சுந்தராம்பாள் இளையாங்குடி மலைக்கண்ணன் குளச்சல் சாமிதாஸ் ஆகியோரது மறைவுக்கு இரங்கல் குறிப்பு வாசிக்கப்பட்டது. பின்னர் மதுரை மேற்கு தொகுதியின் தற்போதைய எம்.எல்.ஏ. சண்முகத்தின் மறைவுக்கு இரங்கல் தீர்மானம் நிறைவேற்றப்பட்டு சபை நடவடிக்கைகள் ஒத்திவைக்கப்பட்டது.
மீண்டும் 23ம் தேதி(நாளை) சபை கூடியதும் நிதியமைச்சர் அன்பழகன் வரும் நிதியாண்டுக்கான பட்ஜெட்டை தாக்கல் செய்வார். பட்ஜெட் உரை முடிந்ததும் அலுவல் ஆய்வு குழுக்கூட்டம் கூடி எத்தனை நாட்கள் சபையை நடத்துவது மானியக் கோரிக்கைகளை எந்தெந்த நாட்களில் வைத்துக் கொள்வது என்பது பற்றி முடிவு செய்யும்.

தினமலர்