ராமனாதன் என் கண்ண திறந்துட்டீங்க!!

ட்ஜொக்கெர்குக்கு மட்டும் attitude ப்ராப்ளெம் இல்ல அவங்க familyக்கே இருக்கும் போல இருக்கே??

http://msn.foxsports.com/tennis/story/7726158


"As you say, the king is dead. Long live the (new) king," Djokovic's mother, Dijana, told FOXSports.com.



I knew he could do it," Dijana said. "He was so mentally strong. At the U.S. Open, when he played Federer, he was playing the king. He's only 20 (years old playing) in front of 23,000 people. He was shaky and didn't take the many opportunities he had. But when that was over, my husband told him, 'you'll never lose to Federer again if you get more mature


அட கண்றாவியே?? pushy யா இருக்க வேண்டியதுதான் ஆனா இப்படியா?? தாங்கலடா சாமி..........!!

அமெரிக்க ஓப்பன்: சில வெற்றி தோல்விகள்.

அமெரிக்க ஓப்பன் கிராண்ட்சிலாம் டென்னிஸ் போட்டி நியூயார்க் நகரில் நடைபெற்று வருகிறது.

நடப்பு சாம்பியனும், உலகின் இரண்டாம் நிலை வீராங்கனையுமான மரியாஷரபோவா(ரஷியா) 3-வது சுற்றில் அதிர்ச்சிகரமாக தோற்றார். போலந்தை சேர்ந்த அக்னீஸ்கா 6-4, 1-6, 6-2 என்ற புள்ளிகள் கணக்கில் ஷரபோவாவை வீழ்த்தி 4-வது சுற்றில் நுழைந்தார்.

இதே போல 7-ம் நிலை வீராங்கனையான நாடியா பெட்ரோவாவும் (ரஷியா) தோல்வி அடைந்தார்.

மேலும் முன்னாள் நம்பர் ஒன் வீராங்கனையும் 16-வது இட வரிசையில் இருப்பவருமான மார்ட்டினா ஹிங்கிஸ் (சுவிட்சர்லாந்து) 6-3, 1-6, 0-6 என்ற கணக்கில் பெலாரசை சேர்ந்த விக்டோரியாவிடம் தோற்றார்.

இந்தியாவின் நம்பிக்கை நட்சத்திரமான சானியா மிர்சாவும் 3-வது சுற்றோடு வெளியேறினார். அவர் 2-6, 3-6 என்ற கணக்கில் 6-வது இடத்தில் இருக்கும் ரஷிய வீராங்கனை அனாவிடம் வீழ்ந்தார்.

உலகின் முதல் நிலை வீரரான ரோஜர்பெடரர் (சுவிட்சர்லாந்து) 6-7(4-7), 6-2, 6-4, 6-2 என்ற செட் கணக்கில் அமெரிக்காவை சேர்ந்த ஜானை தோற்கடித்து 4-வது சுற்றுக்கு முன்னேறினார்.

மற்ற ஆட்டங்களில் ரோட்டிக் (அமெரிக்கா), நிக்கோலி (ரஷியா), டோமி ஹால் (ஜெர்மனி) ஆகியோர் வெற்றி பெற்றனர்.

ஒற்றையர் பிரிவில் தோற்ற சானியா இரட்டையர் பிரிவில் ஏற்கனவே 3-வது சுற்றுக்கு முன்னேறி விட்டார். தற்போது கலப்பு இரட்டையர் பிரிவிலும் முன்னேறி உள்ளார். சானியாமிர்ஸா- மகேஷ்பூபதி இணை குளோவின் (பிரான்ஸ்)- பாப்பிரையன் (அமெரிக்கா) இணையை வென்று 3-வது சுற்றுக்கு தகுதி பெற்றது.

இதே போல லியாண்டர் பெயஸ் (இந்தியா) -சுகுனசி (அமெரிக்கா) இணை 7-6, 6-3 என்ற கணக்கில் பெஸ்சாக்- மார்ட்டின் டாம் (செக்குடியரசு) இணையை வென்று 3-வது சுற்றுக்கு தகுதி பெற்றது.

ஆண்கள் இரட்டையர் ஆட்டத்தில் மகேஷ்பூபதி- ஜிமோன்ஜிக் (செர்பியா) இணை 2-வது சுற்றில்
தோற்றுவிட்டது.

அமெரிக்க டென்னிஸ்: சானியா, மகேஷுக்கு இரட்டையர் ஆட்டங்களில் வெற்றி.

அமெரிக்காவில் உள்ள நியூஹெவன் நகரில் பைலட் பென் டென்னிஸ் போட்டி நடந்தது. இதன் பெண்கள் இரட்டையர் பிரிவில் சானியா மிர்சா-சாண்டன் ஜிலோ (இத்தாலி) இணை வாகையர் பட்டம் பெற்றது.

இந்திய நேரப்படி இன்று அதிகாலை நடந்த இறுதிப் போட்டியில் சானியா இணை 6-1, 6-2 என்ற நேர் கணக்கில் கியூபர்-பிளாக் இணையை வென்றது. இரட்டையர் பிரிவில் சானியா பெற்ற 7-வது பட்டம் இதுவாகும்.

இந்த ஆண்டு ஸ்டான்போர்டு, சின்சினாட்டி போட்டியிலும், 2006-ம் ஆண்டு கொல்கத்தா, பெங்களூரூவிலும், 2004-ம் ஆண்டு ஹைதராபாத்திலும் பட்டம் பெற்று இருந்தார்.

இதே போல ஆண்கள் இரட்டையர் பிரிவில் மகேஷ் பூபதி (இந்தியா)-ஜிமோன்ஜிக் (செர்பியா) இணை வாகையர் பட்டம் பெற்றது. இந்த இணை 6-3, 6-3 என்ற நேர் கணக்கில் மார்சின்- ஸ்பெஸ்டென்பர்க் (போலந்து) இணையை தோற்கடித்தது.

அமெரிக்க டென்னிஸ்: இரட்டையர் இறுதிகளில் சானியா, மகேஷ் பூபதி .

அமெரிக்காவில் உள்ள நியூ ஹெவன் நகரில் பைலட் பென் டென்னிஸ் போட்டி நடைபெற்று வருகிறது.

இந்தியாவின் முன்னணி வீராங்கனையான சானியா மிர்சா இதில் ஒற்றையர் ஆட்டத்தில் தோற்றாலும் இரட்டையர் போட்டியில் இத்தாலியை சேர்ந்த மரியா சாண்டன் ஜெலோவுடன் இணைந்து விளையாடி வென்று வருகிறார்.

இன்று நடந்த அரை இறுதியில் சானியா ஜோடி 2-6, 6-3, 10-5 என்ற கணக்கில் ஸ்டுபாஸ்- பெஸ்சக் ஜோடியை வென்றது. இறுதிப்போட்டியில் சானியா இணை கியூபர்-சாராபிளாக் ஜோடியை எதிர் கொள்கிறது.

ஆண்கள் இரட்டையர் பிரிவில் மகேஷ்பூபதி (இந்தியா) ஜிமோன்விக் (செர்பியா) ஜோடி இறுதிப்போட்டிக்கு தகுதி பெற்றுள்ளது. இந்த இணை 7-5, 7-6(7-2) என்ற நேர் செட்கணக்கில் பிஷர்- புரோடராக் ஜோடியை வென்றது.

மாலைமலர்

அமெரிக்க ஓபன்: சானியாவுக்கு தரவரிசையில் 26ம் இடம்

அமெரிக்க ஓபன் டென்னிஸ்தொடருக்கான தரவரிசையில் சானியாவுக்கு 26வது இடம் அளிக்கப் பட்டுள்ளது. இதன் மூலம் கிராண்ட்ஸ்லாம் தொடர் ஒன்றின் தரவரிசையில் இடம் பிடித்த முதல் இந்திய வீராங்கனை என்ற சாதனை படைத்துள்ளார்.

டென்னிஸ்: பூபதி/விஸ்னர் ஜோடி பெயஸ்/தாம் ஜோடியை வென்றது

மகேஷ் பூபதியும் செக் நாட்டு கூட்டாளி பவெல் விஸ்னரும் கனடாவின் மொன் டிரியலில் நடக்கும் $2.2 மிலியன் டாலர் பரிசுள்ல ரோஜெர்ஸ் கோப்பை டென்னிஸ் ஆட்டத்தின் கால் இறுதிப் போட்டியில் தரவரிசையில் நான்காவது இடத்தில் இருக்கும் லியண்டர் பெயஸ் மார்டின் தாம் ஜோடியை 7-6(7), 2-6, 10-8 என்ற செட் கணக்கில் வென்றனர்.

Bhupathi-Vizener beat Paes-Damm

டென்னிஸ்: சானியா ஜொலிக்கிறார்

தன்னுடைய வெற்றிப் பயணத்தை தொடருமுகமாக சானியா மிர்சா லாஸ் ஏஞ்சல்ஸ் நகரில் நடக்கும் $ 6 இலக்கம் முதற்பரிசுள்ள ஈஸ்ட்வெஸ்ட் வங்கி கிளாசிக் டென்னிஸ் போட்டியில் தரவரிசையில் ஏழாவது இடத்தில் இருக்கும் மார்டினா ஹிங்கிஸை 6-2,2-6,6-4 என்ற செட் கணக்கில் வென்று காலிறுதி கட்டத்தை எட்டியுள்ளார். பல நல்ல வெற்றிகளைப் பெற்று தன் வாழ்நாளின் சிறந்த தரவரிசை எண் 30 ஐ அடைந்திருக்கும் சானியா ஆட்டம் ஜொலிக்கிறது.

கால் இறுதி ஆட்டத்தில் தனது இரட்டையர் கூட்டாளி பியரையோ அல்லது பிரெஞ்ச் ஆட்டக்காரர் விர்ஜின் ரஸ்ஸனோவையோ எதிர்த்து ஆடுவார்.

The Hindu News Update Service

சான் டியாகோ: சானியா,வீனஸ் தோல்வி

சாண்டியகோவில் நடைபெறும் அகூரா கிளாசிக் டென்னிஸ் போட்டியில் இன்று மரியா சரபோவா இந்தியாவின் சானியா மிர்சாவை 6-2,6-1 என்ற கணக்கில் வென்று அவரது தொடர்வெற்றிக்கு முற்றுப்புள்ளி வைத்தார். இருப்பினும் சானியா டென்னிஸ் வீராங்கனைகள் சங்கத்தின் (WTA) தரவரிசையில் முப்பதிற்கு கீழ்வரும் வாய்ப்பு ஏற்பட்டுள்ளது. இது அவரது யுஎஸ் ஓப்பன் ஆட்டதொடரில் பங்கேற்பதற்கு பேருதவி புரியும்.

மற்றொரு கால் இறுதிப் போட்டியில் விம்பிள்டன் சாம்பியன் வீனஸ் வில்லியம்ஸை உருசிய வீராங்கனை அன்னா சக்வெதட்ஸ் விறுவிறுப்பான மூன்று செட் ஆட்டத்தில் 6-7(5),7-6(3),6-2 என்ற கணக்கில் வென்று பரபரப்பை உண்டாக்கினார். அடுத்த சுற்றில் சரபோவாவுடன் மோதுவார்.

மற்ற அரையிறுதிப் போட்டியாளர்களும் நிச்சயமாகியுள்ளது. பட்டி ஸ்னைடரும் எலெனா டெமெந்தீவாவும் ஆடுகிறார்கள். ஸ்னைடர் நாடியா பெற்றோவாவை 6-2,6-4 என்ற கணக்கிலும் டெமெந்தீவா மாரியா கிரிலென்கோவை 6-2,6-4 என்ற கணக்கிலும் வென்றனர்.

Acura Classic

சான் டியாகோ: சானியா கால் இறுதிச்சுற்றுக்கு முன்னேறினார்

சான் டியாகோவில் நடைபெறும் பெண்கள் டென்னிஸ் சங்கத்தின் அகூரா சிளாசிக் போட்டியில் தரவரிசையில் எட்டாவது இடத்தில் இருந்த உருசிய வீராங்கனை டைனாரா சாபினாவை 6-1,6-2 என்ற கணக்கில் வென்றார். இனி கால் இறுதி ஆட்டத்தில் முதல் எண் பெற்றுள்ள மாரியா சரபோவாவுடன் ஆட விருக்கிறார். இதற்கு முன்னால் சரபோவாவுடன் US ஓபனில் 2005 ஆண்டு நான்காவது சுற்றில் ஆடி தோற்றிருக்கிறார். ஆனால் கடந்த சில நாட்களாக முன்னணி ஆட்டக்காரர்களான கோலோவன், பியர், பட்டி ஸ்னைடர் ஆகியோரை வென்று நல்ல உற்சாகத்துடன் இருப்பதால் வெல்வாரா ?

வெற்றி பெற 'சற்றுமுன்' வாழ்த்துகிறது.

Sania sets up Sharapova clash

ஸ்டான்ஃபோர்டில் சானியா: ஒற்றையரில் தோல்வி, இரட்டையரில் வெற்றி

ஸ்டான்ஃபோர்டில் சானியா மிர்சாவின் வெற்றிபயணம் ஒற்றையர் ஆட்ட இறுதிப் போட்டியில் முதல் தரவரிசை ஆட்டக்காரர் அன்னா சாக்வெடஸிடம் தடைபட்டது. உருசிய வீராங்கனையிடம் 6-3,6-2 என்ற கணக்கில் $600,000 மதிப்புள்ள வெஸ்ட் பாங்க் கிளாசிக் போட்டியில் தோல்வியைத் தழுவினார்.

இருப்பினும் பெண்கள் இரட்டையர் பிரிவில் ஆறுதலாக இஸ்ரேலின் ஷகர் பீருடன் உருசிய பெலாரஸ் ஜோடியை 6-4,7-6(5) என்ற கணக்கில் வென்றார்.

The Hindu News Update Service

ஸ்டான்ஃபோர்ட் டென்னிஸ்: இறுதிப்போட்டியில் சானியா

ஸ்டான்ஃபோர்டில் பெண்கள் ஒற்றையர் அரை இறுதி ஆட்டம் இந்திய நேரப்படி இன்று அதிகாலை நடந்தது. இந்த போட்டியில் முன்னணி வீராங்கனைகளை தோற் கடித்து சிறப்பாக விளையாடி வரும் இந்தியாவின் நம்பிக்கை நட்சத்திரமான சானியா மிர்சா அரை இறுதியில் 8-ம் நிலை வீராங்கனையான சைபிலி பாமரை (ஆஸ்திரியா) எதிர் கொண்டார்.

இதன் முதல் செட்டை சானியா 6-2 என்ற கணக்கில் எளிதில் கைப்பற்றினார். ஆனால் 2-வது செட்டில் பாமர் சுதாரித்து ஆடினார். இதனால் விறுவிறுப்பாக இருந்தது. அந்த செட்டை அவர் 7-5 என்ற கணக்கில் வென்றார்.

இருவரும் தலா ஒரு செட் கைப்பற்றியதால் வெற்றியை நிர்ணயிக்கும் இறுதி செட் மிகவும் பரபரப்பாக இருக்கும் என்று எதிர்பார்க்கப்பட்டது. ஆனால் அந்த செட்டை சானியா 6-3 என்ற கணக்கில் வென்று இறுதிப்போட்டிக்கு தகுதி பெற்றார். ஸ்கோர் 6-2, 5-7, 6-3.

சானியா குளோவின், ஹிண் டர் தற்போது பாமர் போன்ற முன்னணி வீராங் கனைகளை தோற்கடித்து இறுதிப்போட்டியில் நுழைந் துள்ளார். இதன் மூலம் அவர் தரவரிசையில் முன்னேற்றம் காணுவார்.

சானியாவின் அபாரமான ஆட்டம் இந்திய டென்னிஸ் வரலாற்றில் புதிய மைல்கல்லை ஏற்படுத்தி உள்ளது

மாலைமலர்

Mirza, Chakvetadze win three-setters in Stanford semis

சின்சினாட்டி டென்னிஸ்: இரட்டையரில் சானியா வாகை.

சின்சினாட்டி ஓப்பன் டென்னிஸ்ஸில் ஒற்றையர் ஆட்டத்தில் அரையிறுதியில் தோற்றாலும் இரட்டையர் ஆட்டத்தில் சானியா இணை வென்றுள்ளது.

அமெரிக்காவில் உள்ள மேசன் நகரில் பெண்களுக்கான சின்சினாட்டி ஓப்பன் டென் னிஸ் போட்டி நடந்தது.

இதில் பங்கேற்ற சானியா மிர்சா ஒற்றையர் ஆட்டத்தில் அரை இறுதி வந்து தோற்றார்.

இரட்டையர் ஆட்டத்தில் அவர் அமெரிக்காவை சேர்ந்த பெதாமி மேட்டக்குடன் இணைந்து ஆடினார். இந்திய நேரப்படி இன்று காலை நடந்த இறுதிப்போட்டியில் சானியா-மேட்டக் ஜோடி அலைனா ஜிக்கோவா (ரஷியா), டாடினா பவுச் செக் (பெலாரஸ்) ஜோடியை எதிர் கொண்டது.

இதில் சானியா-மேட்டக் ஜோடி 7-6, 7-5 என்ற நேர் செட் கணக்கில் வென்று சாம்பியன் பட்டம் பெற்றது.

சின்சினாட்டி டென்னிஸ்: சானியா போராடித் தோல்வி.

சின்சினாட்டி ஓபன் டென்னிஸ் மகளிர் ஒற்றையர் பிரிவுப் போட்டிகளின் அரையிறுதிச் சுற்று வரை முன்னேறிய இந்தியாவின் சானியா மிர்சா, இன்று காலை நடந்த அரையிறுதிப்போட்டியில் கடுமையாகப்போராடியும் தோல்வியடைந்தார்.
அரையிறுதி போட்டியில், ரஷ்யாவின் அன்னா சாக்வெட்சை சானியா எதிர்த்து ஆடினார். 2 - 6 என்ற கணக்கில் முதல் செட்டை இழந்த சானியா, 7 - 5 என்ற கணக்கில் இரண்டாவது செட்டை கைப்பற்றினார். இருவருமே தலா ஒரு செட்டை கைப்பற்றியதால், மூன்றாவது செட் ஆட்டம் ரசிகர்களிடையே மிகுந்த எதிர்பார்பார்ப்பை ஏற்படுத்தியது. இதில் சானியா 3-6 என்ற செட் கணக்கில் போராடித் தோற்றார்

தொடர்ந்து ஐந்தாவது முறையாக விம்பிள்டனை வென்றார் ரோஜர் ஃபெடரர்

ரோஜர் ஃபெடரர் 7-6 (9-7), 4-6, 7-6 (7-3), 2-6, 6-2 என்ற செட் கணக்கில் ரஃபேல் நடாலை வீழ்த்தி விம்பிள்டனை வென்றார். ஃபெடரருக்கு இது பதினொன்றாவது கிரான்ட் ஸ்லாம் வெற்றியாகும்.

2003 -ல் வெல்ல ஆரம்பித்தவர் ஐந்தாண்டுகளாகத் தொடர்ச்சியாக வாகை சூடி போர்க் (Bjorn Borg) -இன் சாதனையை சமன் செய்திருக்கிறார்.

Five for Federer: Swiss star wins Wimbledon - 07/08/2007 - MiamiHerald.com

விம்பிள்டன்: இரட்டையரிலும் சானியா தோல்வி.

லண்டனில் நடைபெற்றுவரும் விம்பிள்டன் கிராண்ட்ஸ்லாம் டென்னிஸ் தொடரில் பெண்கள் இரட்டையர் பிரிவின் மூன்றாம் சுற்றுப்போட்டியில் சானியா மிர்சா இணை, லிசா ரேமண்ட் இணையை எதிர்கொண்டது. பரபரப்பாக நடந்த இப்போட்டியில் சானியா மிர்சா இணை 6-0, 6-7, 6-1 செட் கணக்கில் லிசா ரேமண்ட் ஜோடியிடம் தோல்வியடைந்தது.

விம்பிள்டன்: சானியா மிர்சா இரண்டாம் சுற்றில் தோல்வி

விம்பிள்டன் டென்னிஸ் போட்டியில் இன்று நடந்த இரண்டாம் சுற்று ஆட்டத்தில் இந்தியாவின் சானியா மிர்சா பதினோராம் தரவரிசையில் உள்ள உருசியாவைச் சேர்ந்த பெட்ரொவாவிடம் 6-2,6-2 என்ற நேர் ஆட்டங்களில் தோற்றார்.

விம்பிள்டன்: சானியா இரண்டாம் சுற்றுக்கு முன்னேறினார்

விம்பிள்டன் டென்னிஸ் போட்டிகளில் மகளிர் ஒற்றையர் பிரிவில் சானியா மிர்சா தன் முதல் சுற்று ஆட்டத்தில் உருசியாவை சேர்ந்த யரொஸ்லவா ஷ்வெடாவை 6-0,6-3 என்ற நேராட்டங்களில் வென்று இரண்டாம் சுற்றுக்கு முன்னேறியுள்ளார். இந்தச் சுற்றில் மற்றுமொரு உருசிய ஆட்டக்காரர் பதினோராம் எண் (Seed - தமிழ்?) நாடியா பெற்றோவாவுடன் ஆட வேண்டும்.

The Hindu News Update Service

ச; பிரன்ச் ஓபன்டென்னிஸ்:வீனஸ் வில்லியம்ஸ் தோல்வி

இன்று நடந்த மூன்றாம் சுற்று ஆட்டத்தில் வீன்ஸ் வில்லியம்ஸ் நான்காம் எண் யேலேனா யான்கோவிச்சிடம் 6-4,4-6,6-1 என்ற கணக்கில் தோற்று வெளியேறினார்.

The Hindu News Update Service

ஃப்ரெஞ்ச் ஓபன்: சானியா வெளியேறினார்!

முதல் சுற்றில் நேர்கணக்குகளில் ஜெயித்திருந்த இந்தியாவின் இளம் டென்னிஸ்
வீராங்கனை சானியா மிர்ஸா, ஃப்ரெஞ்ச் ஓபன் இரண்டாம் சுற்றில் செர்பியாவின் அனா இவானோவிக்-கிடம் 6க்கு1, 6க்கு4 என்ற நேர்கணக்குகளில் தோல்வியை தழுவினார்.
இதன் மூலம் இப்போட்டியிலிருந்து அவர் ஒற்றையர் ஆட்டங்களில் வெளியேற நேர்ந்துள்ளது.
சானியாவின் நேற்றைய முதல் சுற்று வெற்றி, ஃப்ரெஞ்ச் ஓபனில் அவருக்கு முதலாவதாகும் என்பதும் குறிப்பிடத்தக்கது

தொடர்பான முந்தைய 'சற்றுமுன்'

'சற்றுமுன்'னுக்காக வாசகன்

ச: இருட்டில் ஆடிய டென்னிஸ்: பெடரர் கோபம்

இந்த முறை எப்படியும் ரோலண்ட் காரோசில் வென்றுவிடவேண்டும் என்று ஆடும் முதல் ஆட்டக்காரர் பெடரர் தான் இரவு 9:30 வரை ஆடிவேண்டியிருந்தது குறித்து ஆட்டநிர்வாகிகளிடம் ஆதங்கப் பட்டார். தனது இரண்டாம் சுற்றில் 6-1,6-2,7-6 (10/8) என்ற கணக்கில் வென்றாலும் எதிராளி தியரி அசியொனிடம் கைகுலுக்கும்போது உன்னைக் காணமுடியாமல் கைகுலுக்குகிறேன் என்று தன் கடுப்பை வெளிப்படுத்தினார்.

DNA - Sport - Roger Federer rages at French Open's heart of darkness - Daily News & Analysis