மேற்குத் தொகுதி இடைத்தேர்தல் : காங்கிரஸ் வேட்பாளருக்கு ரஜினி மன்றம் ஆதரவு

மதுரை மாவட்ட ரஜினி தலைமை நற்பணி மன்ற நிர்வாகிகள் சோலைராஜா, ரபீக், பாண்டியன், சிங்க ராஜ், தம்புராஜ் உள்பட நிர்வாகிகள் நேற்று மாலை மதுரை மீனம்பாள்புரத்தில் நடந்த தேர்தல் பிரசார பொதுக்கூட்டத்தில் மு.க.அழகிரி, மத்திய மந்திரி ஜி.கே.வாசன் முன்னிலையில் இடைத்தேர்தலில் காங்கிரஸ் வேட்பாளருக்கு ஆதரவு அளிப்பதாக தெரிவித்தனர். மேலும் தொகுதி முழுவதும் தீவிர பிரசாரம் செய்ய போவ தாகவும் அறிவித்தனர்.

இதனை வரவேற்று மு.க.அழகிரி ரஜினி மன்ற நிர்வாகிகளுக்கு பாராட்டு தெரிவித்தார்.

முன்னாள் எம்.பி. ராம்பாபு பேசும்போது:- ரஜினிகாந்த் நடித்து வெளிவந்திருக்கும் சிவாஜி சினிமா மக்கள் மத்தியில் நல்ல வரவேற்பை ஏற்படுத்தியுள்ள வேளையில் ரஜினி மன்றத்தினரின் ஆதரவு காங்கிரஸ் வேட்பாளர் வெற்றிக்கு உதவியாக இருக்கும் என்றார்.

மாலைமலர்