ச: இடஒதுக்கீட்டிற்கான சட்டம் வலுவாக அமைய வேண்டும் : கலைஞர்

தற்போது நடந்தேறிவரும் இட ஒதுக்கீட்டிற்கான சட்டசிக்கல்களால் மகிழ்ச்சியற்றிருக்கும் கலைஞர் தனது "தி வீக்" பத்திரிகைக்கான பேட்டி ஒன்றில் இதர பிற்படுத்தப்பட்டோருக்கான இட ஒதுக்கீட்டிற்கு வழிவகுக்கும் வகையில் வலுவான சட்டம் இயற்றப் பட வேண்டும் என்றும் அவர்களுக்கான நாடாளுமன்றக் குழு அமைக்கப் பட வேண்டும் என்றும் கூறியுள்ளார். மேலும் கனிமொழி தில்லியில் திமுகவின் முகமாக செயல்படுவார் என்று தான் மட்டுமல்லாது தனது கட்சியின் அனைத்து செயற்குழு உறுப்பினர்களுமே எதிர்பார்ப்பதாகவும் கூறினார்.

அவரது பேடி பற்றிய செய்திக் குறிப்பு: The Hindu News Update Service

ச: இராஜஸ்தான் கலவரங்கள்: ் குஜ்ஜர்-மீனா கைகலப்பில் ஐவர் மரணம்,20 பேர் காயம்

இராஜஸ்தானில் குஜ்ஜர் இனமக்களின் ST ஒதுக்கீட்டுக்கான போராட்டமும் அதற்கு மீனா இன மக்களின் எதிர்ப்பையும் அடுத்து அங்கு வன்முறை மேலோங்கி வருகிறது. இன்று நடந்த இனச்சண்டையில் ஐந்து பேர் மரணமடைந்ததாகவும் 20 பேர் காயமடைந்துள்ளதாகவும் உள்துறை செயலர் விஎஸ் சிங் கூறினார்.

மேலும்...DNA - India - Five killed, 20 hurt in Gujjar-Meena clash - Daily News & Analysis

ச:பிபிசி நிருபர் கடத்தல்: ஒளிப்படம் வெளியீடு

கடத்தப்பட்ட பிபிசி நிருபர் ஆலன் ஜான்ஸ்டன் பேசிய ஒளிப்படம் அவரைப் பிடித்துவைத்திருப்பாதாகக் கூறும் இஸ்லாமிய குழு ஒன்றினால் வெளியிடப் பட்டுள்ளது. அந்த ஒளிப்படத்தில் தான் மார்ச் 12 தேதி பிடிக்கப்பட்டதிலிருந்து நன்றாகக் கவனித்துக் கொள்ளப்படுவதாகவும் பாலஸ்த்தீனர்களின் நிலத்தை ஆக்கிரமிக்க பிரித்தானிய அரசு ஆரம்பத்திலிருந்தே முயன்றுவருவதாகவும் கூறியுள்ளார். அவரது குடும்பத்தினருக்கு செய்தி கொடுக்கும் சமயம் பிபிசி இந்த செய்தியை அவரது குடும்பத்திற்கு கொண்டு செல்ல மறுக்கிறது என்ற குறிப்புடன் ஒளிப்படம் 'டக்'கென்று முடிகிறது.

மேல் விவரங்களுக்கு ..BBC's Alan Johnston paraded on the web | Breaking News | News | Telegraph

ச: பிஎஸ் என் எல், ஏர்டெல் ரோமிங் கட்டணம் குறைப்பு

அரசுத்துறை பி எஸ் என் எல் நிறுவனம் சொந்த வட்டத்திலிருந்து வெளியே சென்றிருக்கையில் வருகின்ற பேச்சுக்களுக்கு நிமிடத்திற்கு தற்போதிருக்கும் ரூ1.50 இலிருந்து ரூ1 ஆகவும், தான் பேசுவதற்கு ரூ2.40க்கு பதிலாக ரூ1.50 ஆகவும் குறைக்கத் திட்டமிட்டுள்ளது. இது பற்றிய அறிவிப்பு நாளை வெளியாகும் என்று எதிர்பார்க்கப் படுகிறது.ரிலையன்ஸ் நிறுவனம் ஏற்கெனவே இந்த கட்டணங்களுக்கு குறைத்துள்ளது. பாரதி ஏர்டெல்லும் எம் டி என் எல் உம் தங்கள் கட்டண விகிதங்களைக் குறைக்கும் என்று எதிர்பார்க்கப் படுகிறது.

மேலும்..The Telegraph - Calcutta : Business

ஜனாதிபதி தேர்தல்.

கருணாநிதியுடன் ஜார்ஜ் பெர்ணான்டஸ் சந்திப்பு.

ஜனாதிபதி தேர்தல் குறித்து முதல்வர் கருணாநிதியை பாஜக தலைமையிலான தேசிய ஜனநாயகக் கூட்டணியின் அமைப்பாளரும், முன்னாள் பாதுகாப்புத்துறை அமைச்சருமான ஜார்ஜ் பெர்ணான்டஸ் நேரில் சந்தித்துப் பேசினார்.


கருணாநிதியின் கோபாலபுரம இல்லத்தில் நடந்த இச் சந்திப்புக்குப் பின் செய்தியாளர்களிடம் பேசிய பெர்னான்டஸ், ஜனாதிபதி தேர்தல் உள்பட பல விஷயங்கள் குறித்துப் பேசினோம். ஜனாதிபதி வேட்பாளரை எங்கள் கூட்டணி இன்னும் இறுதி செய்யவில்லை (ஷெகாவத் சுயேச்சை வேட்பாளராம்). தமிழகத்தில் பனை, தென்னை மரத்தில் இருந்து கள் இறக்க அனுமதி தர வேண்டும் என்று கோரினேன். இது குறித்து ஆராய கமிட்டி அமைக்கப்பட்டுள்ளதாக கருணாநிதி கூறினார் என்றார்.

ச: கோவை இரயில்பயணிகளுக்கு ஜூன் 3 பரிசு

இன்று வெளியான இரயில்வே பத்திரிகைக் குறிப்பின்படி ஜூன் மூன்றாம் தேதியிலிருந்து சென்னை சென்ட்ரலிலிருந்து கோவைக்குச் செல்லும் கோவை எக்ஸ்பிரஸின் பயணநேரங்கள் குறைக்கப் பட்டுள்ளன. சென்னையிலிருந்து 0615க்குப் புறப்படும் வண்டி கோவையை 1340க்கு அடையும் என்றும் அங்கிருந்து 1405க்குப் புறப்படும் வண்டி இரவு 9.20க்கு வந்துசேரும் என்றும் குறிப்பிடப் பட்டுள்ளது. இது 15 நிமிடம் குறைவானதாகும்.
தொடர்புள்ள சுட்டி:கோவை எக்ஸ்பிரஸ்The Hindu News Update Service

அதே நாள் எர்ணாகுளத்திலிருந்து கோவைக்கு கோடை சிறப்பு வண்டியொன்று விடப்படுகிறது. காலை 9.15க்கு எர்ணாகுள்த்திலிருந்து புறப்படும் இந்த வண்டி கோவையை மதியம் 1.45க்கும் திரும்பும் திசையில் மதியம் 1.15க்குப் புறப்பட்டு எர்ணாகுளத்தை மாலை 5.45க்கு அடையும் என்றும் இக்குறிப்பு கூறுகிறது.
கோவை எர்ணாகுளம் சிறப்பு வண்டிThe Hindu News Update Service

ச: இந்திய பொருளாதாரம் சீனாவின் வளர்ச்சிவிகிதத்தை எட்டும்நிலையில் !

இந்தியப் பொருளாதாரம் ஜனவரி-மார்ச் காலாண்டில் 9.1% வளர்ச்சி கண்டுள்ளது. இது முழு ஆண்டிற்கான விகிதத்தை 9.4%க்கு, கடந்த 18 ஆண்டுகளில் கண்டறியாத வகையில், கொண்டு வந்துள்ளது. இதன்மூலம் இந்தியப் பொருளாதாரம், சீனாவின் சூறாவளித்தனமான வளர்ச்சியை (2006இல் 10.7%) நெருங்கியுள்ளது.

வட்டிவிகித உயர்வு, ரூபாயின் விலையேற்றம் மற்றும் மெதுவாகும் பொருளாதார சீர்திருத்தங்கள் இவை இந்த ஆண்டு வளர்ச்சியை பாதிக்குமா என்று பார்க்கவேண்டும்.

India economy closes gap on China - CNN.com

ச: ஆசியாவில் பரவும் புற்றுநோய்

ஆசியாவில் புற்றுநோய் இப்போதிருப்பதைவிட அதிகமான பேரை தாக்குவதற்கான வாய்ப்புக்கள் உருவாகிவருவதாக மருத்துவ வல்லுனர்கள் கருதுகின்றனர்.CNN.com இன் இந்தச் செய்தியின்படி -புகைபிடித்தல், மது அருந்துதல் மற்றும் ஆரோக்கியமற்ற உணவு ஆகியவை பெரும் மக்கள்தொகை, நோய்கிருமிகளால் இறப்பு குறைவு முதலிய காரணிகளுடன் இணைந்து வரும் ஆண்டுகளில் புற்று நோயால் பாதிக்கப்படுவோரின் எண்ணிக்கையைக் கூட்டும் என சொல்கிறார்கள். ஆனால் வளர்ந்த நாடுகளைப் போன்றில்லாமல் வளரும் நாடுகளில் மருத்துவ வசதிகள் ஈடுகொடுக்க முடியாது. அங்கு '60,'70களில் இருந்த சூழல் அடுத்த பத்து வருடங்களில் இங்கு நிகழும் எனவும் கருதுகின்றனர். உலகின் புற்றுநோயால் பாதிக்கப்பட்டவரில் 40% பேர் உடற்பயிற்சி, ஆரோக்கியமான உணவு மற்றும் புகை தவிர்த்தல் மூலமே தடுத்திருக்கக்கூடியதாக உலக சுகாதார மையம் தெரிவிக்கிறது.

மேல் விவரங்களுக்கு: Asia braces for cancer surge - CNN.com

க்வாண்டனமோவில் சவூதி நாட்டு கைதி தற்கொலை

அமெரிக்க ஆளுகைக்குட்ப்பட்ட க்யூபாவின் க்வாண்டனமோ விரிகுடா சிறைச்சாலையில் சவூதி அரேபியாவை சேர்ந்த சிறைக்கைதி உயிரை மாய்த்துக் கொண்டார். கடந்த ஆண்டு ஜூனில் யெமனியர் ஒருவரும் சவூதி நாட்டவர் இருவரும் தற்கொலை செய்து கொண்டனர்.

கடந்த ஐந்தாண்டுகளாக இயங்கும் க்வாண்டனமோவில் 380 பேர் 'போர்க்கால குற்றங்களை'க் காரணங் கற்பித்து பிணையாக இருக்கிறார்கள்.

BBC NEWS | Americas | Guantanamo Saudi 'kills himself'

'ஹிந்து அல்லாதவர்கள் குருவாயூர் கோவிலுக்குள் செல்லமுடியாது'

குருவாயூர் ஸ்ரீகிருஷ்ணன் கோவிலில் இந்து மதத்தவர்களைத் தவிர பிறருக்கு நுழைய அனுமதியில்லை என்று தலைமை பூசாரி ராமன் நம்பூதிரி தெரிவித்தார். எனினும் அரசு சட்டம் இயற்றினால், அ-ஹிந்துக்களை தரிசிக்க விடலாம் என்றார்.

முந்தைய சற்றுமுன்: குருவாயூர் கோவில் மீது வழக்கு

NDTV.com: No entry of non-Hindus into temple: Chief priest

ச: எம்.பி முதல்வராகலாமா? - மாயாவதி மூலம் தெரியும்!

எம்.பி.யாக இருப்பவர் முதல்வராகவோ, மாநில அமைச்சராகவோ தேர்ந்தெடுக்கப்படுவதில்லை என்கிற 'மரபு'க்கிணங்கி, மாநிலங்களவை எம்.பியாக இருந்துக்கொண்டே உ.பி. முதல்வராகியுள்ள மாயாவதிக்கெதிராக உச்ச நீதிமன்றத்தில் மனு தாக்கல் செய்யப்பட்டுள்ளது!

ஹிந்து தனியார் சட்ட வாரியத்தின் அஷோக் பாண்டே என்பவர் இவ்வாறு மனுதாக்கல் செய்துள்ளார். நீதிமன்றத்தின் வழிகாட்டும் ஆணையை அளிக்கும் படி அவர் கோரியுள்ளார். மாயாவதியுடன், அவர் அமைச்சரவையிலுள்ள சதீஷ் சந்திர மிஸ்ரா என்பவரும் இதில் பிரதிவாதியாக குற்றஞ்சாட்டப்பட்டுள்ளார்.

சட்ட மன்ற தேர்தலில் நிற்கும் முன் தங்கள் மாநிலங்களவை உறுப்பினர் பதவிகளை விட்டும் இவர்கள் விலகவில்லை என்பது அடிப்படை குற்றச்சாட்டு!

பி.டி.ஐ செய்தி

ஃப்ரெஞ்ச் ஓபன்: சானியா வெளியேறினார்!

முதல் சுற்றில் நேர்கணக்குகளில் ஜெயித்திருந்த இந்தியாவின் இளம் டென்னிஸ்
வீராங்கனை சானியா மிர்ஸா, ஃப்ரெஞ்ச் ஓபன் இரண்டாம் சுற்றில் செர்பியாவின் அனா இவானோவிக்-கிடம் 6க்கு1, 6க்கு4 என்ற நேர்கணக்குகளில் தோல்வியை தழுவினார்.
இதன் மூலம் இப்போட்டியிலிருந்து அவர் ஒற்றையர் ஆட்டங்களில் வெளியேற நேர்ந்துள்ளது.
சானியாவின் நேற்றைய முதல் சுற்று வெற்றி, ஃப்ரெஞ்ச் ஓபனில் அவருக்கு முதலாவதாகும் என்பதும் குறிப்பிடத்தக்கது

தொடர்பான முந்தைய 'சற்றுமுன்'

'சற்றுமுன்'னுக்காக வாசகன்

ச: ஆயிரம் கோழிகள் தீக்கிரை

வேலூர் அருகே இரு கோழிப்பண்ணைகளில் மின்கசிவு மூலமாக எழுந்த தீ விபத்தில் ஆயிரம் கோழிகள் வரை தீக்கிரையாயின. 2400 கோழிகள் இருந்த ஓலை வேய்ந்த பண்ணையில் தீபிடித்ததும் தீயணைப்பு வீரர்கள் ஒரு மணிநேரத்திற்கும் மேலாக போராடி தீயை அணைத்தனர். ஒரு பண்ணை முழுவதுமாக சாம்பலானது.

The Hindu News Update Service

ச: NDTV expose': தில்லி உயர்நீதிமன்றம் விசாரணை

தில்லியின் BMW கார்மோதல் வழக்கில் அரசுதரப்பு சாட்சியை கலைக்க அரசு வழக்குரைனரும் எதிர்தரப்பு வழகுரைனரும் ஈடுபட்டதை இரகசிய ஒளிப்படம் எடுத்து நேற்று NDTV நிறுவனம் வெளியிட்டது. இதனையடுத்து வக்கீல்களின் தார்மீக கொள்கைகள் குறித்தும் விவாதம் நடத்தியது.

BMW case: Lawyers collude, stung : hit-and-run, BMW case, Sanjeev Nanda, sting operation, news channel, prosecution, defence, nexus, RK Anand : IBNLive.com : CNN-IBN

தில்லி உயர்நீதிமன்றம் இந்த விவகாரத்தை தானாகவே கவனத்தில் எடுத்துக் கொண்டு இந்த வழக்கின் எல்லா ஆவணங்களையும் ஜுன்11 அன்று காண விழைந்துள்ளது.

The Hindu News Update Service

ச: இருட்டில் ஆடிய டென்னிஸ்: பெடரர் கோபம்

இந்த முறை எப்படியும் ரோலண்ட் காரோசில் வென்றுவிடவேண்டும் என்று ஆடும் முதல் ஆட்டக்காரர் பெடரர் தான் இரவு 9:30 வரை ஆடிவேண்டியிருந்தது குறித்து ஆட்டநிர்வாகிகளிடம் ஆதங்கப் பட்டார். தனது இரண்டாம் சுற்றில் 6-1,6-2,7-6 (10/8) என்ற கணக்கில் வென்றாலும் எதிராளி தியரி அசியொனிடம் கைகுலுக்கும்போது உன்னைக் காணமுடியாமல் கைகுலுக்குகிறேன் என்று தன் கடுப்பை வெளிப்படுத்தினார்.

DNA - Sport - Roger Federer rages at French Open's heart of darkness - Daily News & Analysis