.

Monday, March 19, 2007

'காந்தி குடும்பம் பாபர் மசூதி இடிப்பை தடுத்திருக்கும்'

உத்திரப் பிரதேசத்தில் தேர்தல் பிரச்சாரத்தில் ஈடுபட்டிருக்கும் இராகுல் காந்தி பேசுகையில், பாபர் மசூதி நரசிம்ம ராவின் தவறு என்றும். காந்தி குடும்பம் அரசியலில் அப்போது இருந்திருந்தால் இது நிகழ்ந்திருக்காது என்றும் கூறினார்.

மேலும் அவர் தந்தை இராஜிவ் காந்தி தன் தாயாரிடம் நான் பாபர் மசூதிக்கு முன் நிற்கவும் தயார், என்னைக் கொன்றபின்னரே மசூதியை இடிக்க விடுவேன், எனக் கூறியதாகவும் பேசினார்.

Gandhi family would have prevented Babri demolition: Rahul

இன்சமாம் பதவி விலகல்

பாக்கிஸ்தான் அணியின் கேப்டன் பதவியிலிருந்து இன்சமாம் விலகினார். மேலும் ஒருநாள் கிரிக்கட் போட்டிகளிலிருந்து ஓய்வு பெறுவதாகவும் அறிவித்தார்.

Inzamam quits as Pakistan captain - CNN
Woolmer death overshadows Inzamam's retirement

நந்திகிராமத்தில் 2 பெண்களை பாதுகாப்பு படையினர் கற்பழித்ததாக புகார்

நந்திகிராமத்தில் கடந்த வாரம் நடைபெற்ற வன்முறையின்போது, பாதுகாப்புப் படையினர் 2 பெண்களை கற்பழித்ததாக போலீஸில் புகார் செய்யப்பட்டுள்ளது. மார்ச் 14-ம் தேதி சோனாசுரா கிராமத்தில் துப்பாக்கிச் சூட்டுக்குப் பின்னர், இரண்டு போலீசார் தங்களை கற்பழித்ததாக அவர்கள் தெரிவித்துள்ளனர். இருவரும் 25 மற்றும் 27 வயது நிரம்பிய, திருமணமான பெண்கள்.

இந்த 2 பெண்களையும் பரிசோதித்த மருத்துவர்கள், அவர்கள் உடலில் காயங்கள் உள்ளதாகக் கூறியுள்ளனர்.

தினமணி

இப்போது சூரிய கிரகண நேரம்

இன்று சூரிய கிரகணம்

சென்னை : வானில் நிகழும் அற்புத நிகழ்வுகளில் ஒன்றான சூரிய கிரகணம் இன்று காலை நிகழ்கிறது.
சூரிய கிரகணம் இன்று காலை 6:08 மணிமுதல் காலை 9:58 மணிவரை நிகழ்கிறது. இந்தியாவில் டில்லி, பெங்களூரு, கோல்கட்டா, மும்பை, சென்னை ஆகிய இடங்களில் இருந்து சூரிய கிரகணத்தை பார்க்க முடியும். சென்னையில் காலை 6:45 மணிமுதல் காலை 7:23 மணி வரை பார்க்கலாம். சூரிய கிரகணத்தை வெறும் கண்ணால் பார்ப்பது நல்லதல்ல. பிரத்யேக கண்ணாடிகள் மூலம் பார்க்க வேண்டும் என்று டாக்டர்கள் எச்சரித்துள்ளனர்.
சென்னை கோட்டூர்புரத்தில் உள்ள பிர்லா கோளரங்க வளாகத்தில் சூரிய கிரகணத்தை பார்க்க சிறப்பு ஏற்பாடுகள் செய்யப்பட்டுள்ளன. கடந்த 4ம் தேதி சந்திர கிரகணம் நடந்து முடிந்த நிலையில், அதன் தொடர்ச்சியாக சூரிய கிரகணமும் நிகழ்வது ஜோதிட ரீதியாக முக்கியத்துவம் பெற்றுள்ளது. சூரிய கிரகணத்தையொட்டி, இன்று பல்வேறு கோவில்களில் கிரகணம் முடியும் வரை நடை சாத்தப்படுகிறது. சபரிமலை அய்யப்பன் கோவிலில் காலை 6 மணி முதல் 8 மணிவரை நடை சாத்தப்படுகிறது. இதே போல் திருவிதாங்கூர் தேவசம் போர்டுக்கு சொந்தமான கோவில்களிலும், தமிழக கோவில்களிலும் சூரிய கிரகணம் நடக்கும்போது நடை சாத்தப்பட்டு பின்னர் பரிகார பூஜைகள் நடைபெறும் என தெரிவிக்கப்பட்டுள்ளது.

source=தினமலர்

குறிப்பு: இந்திய நேரப்படி இப்போது சூரிய கிரகண நேரம்...!

பாப் உல்மர் - பாகிஸ்தான் பயற்சியாளர் திடீர் மரணம்.


அவரது அறையில் இறந்து கிடந்ததாக தெரிகிறது.

நேற்றைய ஆட்டத்தில் பாக் உலக கோப்பையில் இருந்து கிட்டதட்ட வெளியேற்றப்பட்டது என்பது குறிப்பிடதக்கது.


Cricinfo.com

Sunday, March 18, 2007

ஜெயலலிதா ஆவேசம்


காவிரி நடுவர் மன்ற தீர்ப்பை மத்திய அரசிதழில் வெளியிட கோரி ஜெயலலிதா இன்று வள்ளுவர் கோட்டம் அருகே உண்ணாவிரதம் இருந்தார். அவருடன் ஆயிரக்கணக் கானோர் உண்ணாவிரதத்தில் பங்கேற்றனர். காவிரி பிரச்சனையில் மத்திய, மாநில அரசுகள் தமிழகத்திற்கு துரோகம் இழைத்து விட்டதாக அதிமுக பொதுச் செயலாளர் ஜெயலலிதா குற்றம் சாட்டியுள்ளார்.

காவிரி பிரச்சனையில் உடனடியாக நடவடிக்கை எடுக்காவிட்டால் மத்திய, மாநில அரசுகளை மக்கள் தூக்கியெறிவார்கள் என்று அதிமுக பொதுச் செயலாளர் ஜெயலலிதா ஆவேசமாக கூறியிருக்கிறார். விரைவில் தேர்தல் வரும் என்று கூறிய அவர், தமிழகத்தில் அதிமுக ஆட்சியும், மத்தியில் அதிமுக வினரின் ஆதரவுடன் கூடிய ஆட்சியும் அமையும் என்றும் அவர் கூறினார்.


மாலைச் சுடர்

போதையில் தள்ளாடிய இங்கிலாந்து வீரர்கள்

இங்கிலாந்து கிரிக்கெட் வீரர்கள் பலர் குடித்து விட்டு போதையில் சுற்றியதற்காக அபராதம் விதிக்கப் பட்டுள்ளனர்.

நியூசிலாந்துக்கு எதிரான ஆட்டத்தில் தோல்வியடைந்த பிறகு அந்த அணியின் வீரர்கள் நள்ளிரவு குடித்து விட்டு ஓட்டல் அருகே சுற்றிக் கொண்டிருந்தனர். இதனால் ஒழுக்கம் குறைவாக நடந்ததாக அவர்களுக்கு அபராதம் விதிக்கப் பட்டுள்ளது.

மேலும் இங்கிலாந்து துணை கேப்டன் பிளின்டாப் படகு பயணத்தின்போது ரகளை செய்ததற்காக தனியே அபராதம் விதிக்கப்பட்டுள்ளது. வீரர்களின் இந்த நடவடிக்கைகளை இங்கிலாந்து பத்திரிகைகள் கடுமையாக விமர்சித்துள்ளன.


மாலைச் சுடர்,
Cricinfo.com,

காலை வாரிய ஷேவாக் சூதாட்டம்

வங்கதேசத்துக்கு எதிராக இந்தியா எதிர்பாராத தோல்வியை சந்தித்ததற்கு, அந்த அணியின் அபாரமான பந்துவீச்சு, அதற்கு பக்கபலமாக நின்ற பீல்டிங், இந்திய வீரர்களின் படுமோசமான ஆட்டம் என்று பல காரணங்களை அடுக்கிக் கொண்டே போகலாம். இதையெல்லாம் விட தோல்விக்கு பிரதான காரணம் முக்கியமான இந்த முதல் ஆட்டத்தில் பாமில் இல்லாத வீரேந்திர ஷேவாக்கை களமிறக்கியதுதான்.

ரன் குவிக்க முடியாமல் திணறி வரும் ஷேவாக்கை அணியில் சேர்த்தது சர்ச்சைக்கு இலக்கானது. தேர்வுக் குழுவினர் எதிர்ப்பை மீறி கேப்டன் திராவிட் இவரை அணியில் சேர்த்தார். ஷேவாக்கின் மேட்ச் வின்னர் அந்தஸ்தை வைத்து திராவிட் அவருக்கு ஆதரவு தெரிவித்திருக்கலாம். அது தவறில்லை. எப்படியும் ஷேவாக்கின் தேர்வை ஒரு சூதாட்டம் என்றே பலரும் கருதினர். பலனிக்கலாம், அணியையே கவிழ்க்கலாம் என்று கருத்தப்பட்டது.

இந்திய ரசிகர்கள் அஞ்சியது போலவே ஷேவாக் சூதாட்டம் அணியை மண்ணை கவ்வ வைத்துவிட்டது. உலக கோப்பையில் முத்திரை பதிக்க வேண்டிய முதல் ஆட்டத்தில் ஷேவாக்கை களமிறக்கியது, அதுவும் துவக்க வீரராக ஆடவைத்தது பெரும் பின்னடைவை ஏற்படுத்திவிட்டது.

சமீபகால வழக்கப்படி அவர் எடுத்த எடுப்பிலேயே ஆட்டம் இழந்து விட இந்திய அணி திணறத் துவங்கிவிட்டது. இதனால் இந்த சரிவிலிருந்து இந்தியா மீளவே இல்லை. முன்னாள் கேப்டன் வெங்கட்ராகவன் கேட்டது போல, பார்மில் இல்லாத கங்குலியை துவக்க வீரராக களமிறக்க யோசித்த அணி நிர்வாகம், தடுமாறும் ஷேவாக்கை முதலில் ஆடவைத்தது ஏன்? என்பது ரசிகர்கள் மனதில் எழுந்திருக்கும் கேள்வி.

ஷேவாக்கிற்கு பதிலாக உத்தப்பா துவக்க வீரரராக களமிறங்கி ஆரம்ப விக்கெட்டை இந்தியா இழக்காமல் இருந்திருந்தால், ஆட்டமே மாறியிருக்கக் கூடும்.


மாலைச் சுடர்

முதுமலையில் புலிகள் எண்ணிக்கைக்கு கேமரா



முதுமலை சரணாலயத்தில் புலிகள் எண்ணிக்கையை கணக்கிடுவதற்காக மும்பையை சேர்ந்த இந்திய வனவிலங்கு இன்ஸ்டிடியூட் சார்பில் 30 இடங்களில் 60 கேமராக்கள் பொருத்தப்பட்டுள்ளன. மரத்தில் பதிக்கப்பட்டுள்ள கேமரா.

- மாலை முரசு

விவசாய செய்திகள்: கரும்பு அரவை துவங்கியது


அமராவதி கூட்டுறவு சர்க்கரை ஆலையில் இன்று கரும்பு அரவை துவங்கியது. இயந்திரத்தில் கரும்புகளை போட்டு விவசாயிகள் அரவையை துவக்கி வைத்தனர். உள்படம்: கிரேன் மூலம் அரவை இயந்திரத்தில் கரும்புகட்டுகள் போடப்படுகின்றன.

உடுமலை அருகே கிருஷ்ணாபுரத்தில் அமராவதி கூட்டுறவு சர்க்கரை ஆலை உள்ளது. உடுமலை, ஆலைப்பகுதி, குமரலிங்கம், கணியூர், பல்லடம், பழனி கிழக்கு, பழனி மேற்கு, நெய்க்காரப்பட்டி ஆகிய 8 கோட்டங்களைச் சேர்ந்த கரும்பு விவசாயிகள் ஆலைக்கு கரும்பு அனுப்புகின்றனர். இந்தாண்டு 7 ஆயிரத்திற்கும் மேற்பட்ட ஏக்கரில் கரும்பு பயிரிடப்பட்டுள்ளது. கரும்பு அறுவடை கடந்த மாதம் இறுதி முதல் துவங்கியுள்ளது. 6 மாதத்துக்குத் தொடர்ந்து அறுவடை நடக்கிறது.

அமராவதி சர்க்கலை ஆலையில் 2006 - 2007ம் ஆண்டுக்கான அரவைப்பட்டத்தில் 2.60 லட்சம் டன் கரும்பு அரவை செய்ய திட்டமிடப்பட்டுள்ளது. இதற்காக பாய்லர் இளஞ்சூடேற்றும் பணி கடந்த 9ம் தேதி துவங்கியது.

இன்று காலை 8 மணிக்கு சிறப்பு பூஜைகளுடன் அரவை துவங்கியது. அக்டோபர் வரை அரவை நடைபெறும். நிகழ்ச்சியில் ஆலை தனி அலுவலர் ஜெய்சிங் செல்வராஜ், தலைமை அலுவலர் திருஞானசம்பந்தம், கரும்பு பயிரிடுவோர் சங்க தலைவர் வேலுசாமி மற்றும் ஏராளமான விவசாயிகள் பங்கேற்றனர்.

- மாலை முரசு

இந்தியாவில் வேலைதேடும் இங்கிலாந்து டாக்டர்கள்

இங்கிலாந்தில் டாக்டர்களுக்கு மொத்தம் 22,000 இடங்கள் காலியாயிருக்கின்றன 30,000 டாக்டர்கள் வேலை தேடிக்கொண்டிருக்கின்றனர். வேலைக்கு போட்டி அதிகமாயிருப்பதாலும், இந்தியாவில் மருத்துவச் சுற்றுலா வளர்ச்சியடைவதாலும் இங்கிலாந்து டாக்டர்கள் இந்தியாவில் வேலை தேடும் நிலமை வந்துள்ளது.

இந்திய மருத்துவமனைகள் இங்கிலாந்தில் 'டாக்டர்கள் தேவை' விளம்பரங்களை வெளியிடுகின்றன.

British doctors looking for jobs in Indian hospitals: report

ஜெயலலிதா உண்ணாவிரதம்

அறிவிக்கப் பட்டிருந்தபடி காவிரி பிரச்சினையில் மத்திய-மாநில அரசுகளுக்கு எதிரான உண்ணாவிரத்தை முன்னாள் முதல்வர் ஜெயலலிதா ஆரம்பித்தார்.

சென்னை வள்ளுவர் கோட்டம் அருகில் அண்ணா சிலைக்கு பின்புறம் உண்ணாவிரதப் பந்தலிட்டு ஜெயல்லிதாவும் கட்சியின் பிற தலைவர்கள், தொண்டர்கள் உட்பட ஏராளமானவர்கள் உண்ணாவிரத போராட்டத்தில் பங்கேற்றுள்ளனர். மாலை மதிமுக தலைவர் வைகோ உண்ணாவிரத்தை முடித்து வைப்பதாக அறிவிக்கப் பட்டுள்ளது.

முதல்வர் தலைமையில் உள்ளாட்சி தலைவர்கள் மாநாடு

முதல்வர் கருணாநிதி தலைமையில், சென்னையில் வரும் 18ம் தேதி உள்ளாட்சி பிரதிநிதிகள் மாநாடு நடைபெறுகிறது.

இந்த மாநாட்டில் நகர்புற உள்ளாட்சி பிரதிநிதிகள் மட்டும் கலந்து கொள்ளுமாறு அழைப்பு விடுக்கப்பட்டுள்ளது. சென்னை, கோவை, மதுரை, திருச்சி, சேலம் மற்றும் நெல்லை ஆகிய 6 மாநராட்சிகளின் உள்ளாட்சி பிரதிநிதிகள் பங்கேற்கின்றனர்.


Yahoo Tamil

பாக்கிஸ்தான் அயர்லாந்திடம் தோல்வி

உலகக்கோப்பை போட்டிகளில் இரண்டாவதுமுறையாக பாக்கிஸ்தான் தோல்வியைத் தழுவியது. இந்தமுறை அயர்லாந்திடம்.

டாசை வென்ற அயர்லாந்த் பாக்கிஸ்தானை பேட் செய்ய அழைத்தது. பாக்கிஸ்தான் 45.4 ஓவர்களில் 132 ரன்களை மட்டுமே எடுத்தது.

இரண்டாவது பேட்டிங் செய்த அயர்லாந்த் 7 விக்கட்டுகளை இழந்து 41.4 ஓவர்களில் வெற்றி இலக்கை அடைந்தது.

இடையில் போதிய வெளிச்சமின்மையின்காரணமாய் பாக்கிஸ்தானின் அதிஷ்டம் திரும்ப இருந்தது.


Full Scorecard

சிரிப்பானுக்கு வயது 25 !!!

கணிணி உபயோகிப்பாளர்களுக்கு மிகவும் இன்றியமையாத இந்த " சிரிப்பான்" க்கு
வயது 25 !


மேலும் படிக்க

http://tech.msn.com/news/article.aspx?cp-documentid=4214964&GT1=9233

-o❢o-

b r e a k i n g   n e w s...