புதிய குடியரசுத்தலைவர் பதவியேற்பு விழா: தமிழக முதல்வர் டெல்லி வருகை

புதிய குடியரசுத்தலைவராகப் பொறுப்பேற்க உள்ள பிரதீபா பாட்டீலின் பதவியேற்பு விழாவில் கலந்து கொள்வதற்காக முதல்வர் கருணாநிதி டில்லி புறப்பட்டுச் சென்றார்.
நாட்டின் 13வது குடியரசுத்தலைவராக பிரதீபா பாட்டீல் நாளை பதவி ஏற்றுக் கொள்கிறார். இந்த பதவி ஏற்பு விழாவில் கலந்து கொள்வதற்காக முதல்வர் கருணாநிதி ஜெட் ஏர்வேஸ் விமானம் மூலம் டில்லி புறப்பட்டார். அவருடன் துணைவியார் ராஜாத்தியம்மாள், அமைச்சர்கள் துரைமுருகன், ஆற்காடு வீராசாமி உள்ளிட்டோர் சென்றனர். அமைச்சர் பொன்முடி உள்ளிட்ட அமைச்சர்கள் முதல்வரை விமான நிலையத்தில் வழியனுப்பி வைத்தனர்.