.

Wednesday, March 21, 2007

சற்றுமுன்: பாப் உல்மரின் மரணத்தில் மர்மம்

பாகிஸ்தான் கிரிக்கெட் பயிற்சியாளர் பாப் உல்மரின் மரணம் சந்தேகத்திற்குறியது என ஜமைகா காவல்துறை அறிவித்துள்ளது. காவல்துறை அறிக்கையில் உல்மரின் குடும்பத்தினருக்கு இந்த செய்தி அறிவிக்கப் பட்டிருப்பதாகவும் பாகிஸ்தான் கிரிக்கெட் குழு, உலகக் கோப்பை மற்றும் ஐசிசி குழுமங்கள் முழுமையான ஒத்துழைப்புக் கொடுப்பதாகவும் கூறுகிறது. காவல் அதிகாரி ஷீல்ட் தற்சமயம் இதனை ஒரு கொலை என்று சொல்லவில்லை எனவும் தெளிவுபடுத்தினார்.

பெரிதும் அதிர்ச்சியடைந்துள்ள பாக் கிரிக்கெட் குழு முதலில் இன்றைய கடைசி ஆட்டத்தில் பங்கேற்க தயக்கம் என்ற செய்தி வந்த போதிலும் கடைசியாக வந்த செய்தியின் படி காப்டன் இன்சமாம் இன்று வென்று அவ்வெற்றியை உல்மருக்கு காணிக்கையாக்குவோம் என சூளுரைத்துள்ளார்.

தொடர்புடைய இணைப்புக்கள்:

The Hindu News Update Service

Hinesberg Journal

Manchester.com - News - Inzy targets win for Woolmer

மனசைவிட்டு மவுசைத் தட்டு !

சிங்கப்பூர்: இன்டர்நெட்டில் நடிகையின் படத்தைப் போட்டு, திருமணம் செய்து கொள்வதாகக் கூறி, அமெரிக்காவில் வசிக்கும் சாப்ட்வேர் என்ஜீனியரை ஏமாற்றி பண மோசடி செய்ததாக சிங்கப்பூரைச் சேர்ந்த இந்தியப் பெண் கைது செய்யப்பட்டார்.

சிங்கப்பூரில் வசித்து வருபவர் மல்லிகா ராமு (36). திருமணமான இவர், இன்டர்நெட்டில் நடிகை காயத்ரி ஜோஷி என்பவரின் புகைப்படத்தைப் போட்டு, சஞ்சனா பரேக் என்ற பெயரில் தனது புரொஃபைலை உலவ விட்டிருந்தார்.

அதைப் பார்த்து விட்டு அமெரிக்காவில் சாப்ட்வேர் என்ஜீனியராகப் பணியாற்றும் பரணிஇந்திரன் (32) என்ற வாலிபர் மல்லிகாவுடன் தொடர்பு ஏற்படுத்தினார். பரணியுடன் நெருக்கமான நட்பு ஏற்படுத்திக் கொண்ட மல்லிகா, அவரைத் திருமணம் செய்து கொள்வதாக உறுதியளித்தார்.

இருவரும் கடந்த 2004ம் ஆண்டு செப்டம்பர் முதல் சாட்டிங் மூலம் நெருக்கமான நட்பை வளர்த்து வந்தனர். இந்த நட்பைப் பயன்படுத்தி பரணியிடமிருந்து 68 ஆயிரம் சிங்கப்பூர் டாலர் பணத்தை கறந்துள்ளார் மல்லிகா.

2004 நவம்பரில் 19,175 அமெரிக்க டாலர்கள், கடந்த கடந்த 2005ம் ஆண்டு ஜனவரி மாதம் 29ம் தேதி தனது அம்மா இறந்து விட்டதாக கூறி 25 ஆயிரம் அமெரிக்க டாலர் பணம் வாங்கியுள்ளார் மல்லிகா. ஆனால் அவரது அம்மா அதற்கு 3 ஆண்டுகளுக்கு முன்பே இறந்து போய் விட்டாராம்.

இதையடுத்து 2005ம் ஆண்டு பிப்ரவரி மற்றும் மார்ச் மாதங்களில் முறையே 15,400 அமெரிக்க டாலர்கள், 10 ஆயிரம் அமெரிக்க டாலர் பணத்தைப் பெற்றுள்ளார்.

இந்த நிலையில் மேலும் 10 ஆயிரம் அமெரிக்க டாலர் பணம் தருமாறு கடந்த 2005ம் ஆண்டு மே மாதம் கேட்டுள்ளார் மல்லிகா. அப்போது பரணிக்கு சந்தேகம் வந்து விட்டது. இதையடுத்து அவர் போலீஸில் புகார் கொடுத்தார். போலீஸார் விசாரணை நடத்தி மல்லிகாவைக் கைது செய்தனர்.

தனது மனைவியின் மோசடிச் செயலை அறிந்து அவரது கணவர் (அவருக்கு 41 வயதாகிறது) அதிர்ந்து போய் விட்டார். மல்லிகா மீதான வழக்கு சிங்கப்பூர் நீதிமன்றத்தில் நடந்து வந்தது. நேற்று தீர்ப்பு அளிக்கப்பட்டது.

மல்லிகாவுக்கு 6 மாத சிறைத் தண்டனை விதித்து நீதிபதி அமி டுங் தீர்ப்பளித்தார். கைது செய்யப்பட்டவுடன், பரணியிடமிந்து தான் கறந்த பணத்திலிருந்த 36 ஆயிரம் அமெரிக்க டாலர்களைத் திருப்பிக் கொடுத்து விட்டார் மல்லிகா.

செய்தி : நன்றி தட்ஸ் தமிழ்

ச:➣சென்னை விமான நிலையத்தில் கட்டிடம் இடிந்து 8 பேர் படுகாயம்

சென்னை விமான நிலையத்தில் கட்டிடம் இடிந்து 8 பேர் படுகாயம்

தினத்தந்தி flash

கனரா வங்கியில் 49% நெதர்லாந்து நிறுவனம் வாங்குகிறது

நெதர்லாந்தின் ரொபெக்கோ (Robeco) குழுமம் கனரா வங்கியின் CIMS-ல் 49 சதவிகித முதலீடு செய்கிறது. கனராவின் 'Canara Investment Management Services' என்னும் பரஸ்பர நிதிப் (mutual fund) பிரிவை 115 கோடிக்கு மதிப்பிட்டிருக்கிறார்கள். கனரா வங்கியில் தற்போது 73% அரசு வசம் உள்ளது.

மொத்தம் 3,50,000 கோடி ரூபாய் புழங்கும் சந்தையில், அடுத்த ஐந்தாண்டுக்குள் ஐந்து சதவிகித வாடிக்கையாளர்களைக் கவர்வதை குறிக்கோளாகக் கொண்டுள்ளார்கள்.

Robeco picks up 49% stake in Canara Bank’s MF arm

ஏழை மாணவருக்கு தமிழக முதலமைச்சர் நிதி உதவி

நாகர்கோயில், அனந்தபத்மனாபபுரத்தைச் சேர்ந்த ஏழை மாணவர் திரு.ஆர்.சிவராமனுக்கு சென்னை அரசு கவின்கலைக் கல்லூரியில் பயில உதவித் தொகையாக மாண்புமிகு தமிழக முதலமைச்சர் கலைஞர் அவர்கள் ரூ.25,000/-க்கான காசோலையை, இன்று (20.03.2007) தலைமைச் செயலகத்தில், முதலமைச்சர் பொது நிவாரண நிதியிலிருந்து வழங்கினார்கள்.

சென்னை அரசு கவின்கலைக் கல்லூரியில் இரண்டாம் ஆண்டு செராமிக் கலை படித்து வருகிறார் சிவராமன். தாய் தந்தையர் கூலித் தொழில் செய்கிறார்கள். ஏழ்மையின் காரணமாக, மேற்படிப்பைத் தொடர முடியாத நிலை. படிப்பிற்கு நிதி உதவி செய்யுமாறு முதலமைச்சரிடம் மார்ச் 13 அன்று விண்ணப்பித்திருந்தார்.

செய்தி மக்கள் தொடர்புத்துறை.

Tuesday, March 20, 2007

இலங்கையில் சிறுபான்மையினருக்கு எதிரான் வன்முறைகள் மிக அதிக அள்வில் அதிரித்துள்ளது

சோமாலியா, ஈராக் மற்றும் சூடான் ஆகிய நாடுகள், உலகில் சிறுபான்மையினர் வசிக்க மிகவும் ஆபத்தான நாடுகள் என்று லண்டனில் இருந்து செயல்படும் மனித உரிமை அமைப்பு ஒன்று கூறியுள்ளது. இனக்குழுக்களுக்கு இடையேயான பெரும் அளவிலான வன்முறைகள் சோமாலியாவில் மீண்டும் நடைபெற வாயப்புள்ளதாக சிறுபான்மையினர் உரிமைகளுககான சர்வதேச குழு என்ற அந்த அமைப்பு கூறியுள்ளது. சூடானின் டார்பூர் பகுதியில் நடக்கும் வன்முறைகளை நிறுத்தப்படாததற்கு, சர்வதேச சமூகம் மற்றும் சூடான் அரசை, இந்த நிறுவனம் கண்டித்துள்ளது.

அதே நேரம், இலங்கையில்தான் சிறுபான்மையினர்களுக்கு எதிரான வன்முறைகள் மிக அதிகஅளவில் அதிகரித்துள்ளதாக அந்த தன்னார்வ நிறுவனத்தின் அறிக்கையில் கூறப்பட்டுள்ளது. இலங்கையில் அரசுக்கும் - விடுதலைப் புலிகளுக்கும் இடையே நடக்கும் சண்டையில் தமிழர்களும் முஸ்லீம்களும் குறிவைக்கப்படுகிறார்கள் என்று சிறுபான்மையினர் உரிமைகளுக்கான சர்வதேசக் குழு தெரிவித்துள்ளது.

BBC NEWS | Special Reports | Somalia tops minority threat list: "Somalia has overtaken Iraq as the world's most dangerous country for minority groups, a study has found. Sudan, Afghanistan and Burma followed in the global survey by the Minority Rights Group International (MRG)."

ஏமாற்றும் ஏர் டெக்கான் ( Air Deccan)

ஏர் டெக்கான் நிறுவனம் பயனிகளை எவ்வாறு ஏமாற்றுகிறது என்பது பற்றி CNN-IBN ஒரு செய்தி வெளியிட்டுள்ளது.

அதாவது, பயனிகளை தாமதமாக வந்ததாக கூறி விமானத்தில் பயனம் செய்ய அனுமதிக்காமல் ஏமாற்றுவதாக இந்த செய்தியில் குறிபிடப்பட்டுள்ளது.

முழு செய்திக்கு இங்கே செல்லுங்க..

அதன் வீடியோ இங்கே

சென்னையில் ரூ.200 கோடியில் ஐஐஐடி

தமிழகத்தில் ரூ.200 கோடி செலவில், இந்திய தகவல் தொழில்நுட்ப மையத்தை (ஐஐஐடி) நிறுவ மத்திய மனிதவள மேம்பாட்டு துறை முடிவு செய்துள்ளது. இந்த மையத்தில் வடிவமைப்பு மற்றும் உற்பத்தி குறித்த கல்வி கற்பிக்கப்படும். இந்த மையத்திற்காக, சென்னை அருகே 100 ஏக்கர் நிலம் தேர்வு செய்யப்பட்டுள்ளது.


புதிய மையத்தை நிறுவுவதற்காக வண்டலூர்-கேளம்பாக்கம் சாலையில் மேலக்கொட்டூர் கிராமத்தில் 100 ஏக்கர் நிலத்தை ஐஐடி தேர்வு செய்துள்ளது. தமிழ்நாடு சங்கங்களின் சட்டம் 1957ன் கீழ், இந்திய வடிவமைப்பு மற்றும் உற்பத்தி தொழில்நுட்ப மையம் பதிவு செய்யப்பட்டுள்ளது. மேலக்கொட்டூரில் தேர்வு செய்யப்பட்டுள்ள 100 ஏக்கர் நிலத்தை ஐஐஐடி பெயருக்கு மாற்றித் தருமாறு, தமிழக அரசுக்கு சென்னை ஐஐடி கடிதம் எழுதியுள்ளது.

புதிதாக நிறுவப்படும், ஐஐஐடி மையத்தில் இளநிலை பட்ட வகுப்பில் 600 மாணவர்கள் சேர்த்துக் கொள்ளப்படுவார்கள். பாடத்திட்டத்தை வடிவமைக்க, சிறப்புக் குழு ஒன்று ஏற்படுத்தப்பட்டுள்ளது. இதன் தலைவராக கான்பூர் ஐஐடி இயக்குனர் சஞ்சய் ஜி.தாண்டே இருப்பார் என்றும், சென்னையில் அமைவதைப் போல், ஜபல்பூரிலும் ஐஐஐடியை நிறுவ, மத்திய மனிதவள மேம்பாட்டு துறை திட்டமிட்டுள்ளது என்றும் ஐஐடி வட்டாரங்கள் தெரிவித்தன.

சென்னை அருகே வண்டலூர்-கேளம்பாக்கம் சாலையில் அமைய இருக்கும் இந்த புதிய ஐஐஐடிக்கு, தகவல் தொழில்நுட்பச் சாலையுடன் இணைப்பு ஏற்படுத்தப்படும். மேலும், இந்த மையம் அமையும் பகுதியில் புதிய நகர் ஒன்றை உருவாக்க தமிழக அரசு திட்மிட்டுள்ளதாகவும் கூறப்படுகிறது. சென்னையில் இருந்து மேலக்கொட்டூர் வழியாக மாமல்லபுரம் வரை, மின்சார ரயில்களை இயக்கவும் மத்திய அரசு திட்டம் தீட்டியுள்ளது.

தினகரன்

மர்மம் நிறைந்த பெர்முடா முக்கோணம்




தினகரன்

60 ஆண்டுகளாக மின்சாரம் காணாத தமிழக கிராமம்

தலைவர் அப்துல் கலாமின் சொந்த கிராமம் அருகே உள்ள குட்டிக் கிராமம் கடந்த 60 ஆண்டுகளுக்கும் மேலாக மின்சாரம் இன்றி உள்ளது. ராமநாதபுரம் மாவட்டம், பாம்பன் அருகே உள்ளது முந்தல் முனை கிராமம். குடியரசுத் தலைவர் அப்துல் கலாமின் சொந்த கிராமத்துக்கு அருகே இது உள்ளது.

இங்கு 80 குடும்பங்கள் வசிக்கின்றன. கடந்த 60 ஆண்டுகளாக இங்கு மின்சார வசதி கிடையாது. மேலும், சாலை, மின்சாரம், குடிநீர் போன்ற எந்த அடிப்படை வசதிகளும் கிடையாது. அதற்காக மனித உரிமை ஆணையத்திடம் புகார் தெரிவிக்கப்பட்டது.

இதையடுத்து, கோட்டாட்சியர் உள்பட வருவாய் அதிகாரிகள் முந்தல் முனை கிராமத்துக்கு சென்று பார்வையிட்டனர். அப்போது, அந்த மக்கள் வசிக்கும் பகுதி ராமேஸ்வரம் ராமநாதசாமி கோயில் தேவஸ்தானத்திற்கு சொந்தமான இடமாக இருந்தது. இந்த இடத்தில் மக்கள் ஆக்கிரமித்து தாங்களாகவே வீடு கட்டிக்கொண்டனர். இதனால், இங்கு அடிப்படை வசதிகள் செய்து தரமுடியவில்லை.

இதுகுறித்து பாம்பன் ஊராட்சி தலைவர் ஹனிபா கூறுகையில், முந்தல் முனையில் வசிப்பவர்கள் இடத்திற்கான பிமெமோ ரசீது, வீட்டுவரி ரசீது போன்ற எதுவும் இல்லாமல் குடும்ப அட்டை மட்டும் வைத்துள்ளார்கள். இவர்களுக்கு அடிப்படை வசதிகள் செய்வதில் பிரச்னை இருக்கிறது. இடப்பிரச்னை தொடர்பாக தேவஸ்தானத்திடம் கோட்டாட்சியர் மற்றும் அதிகாரிகள் பேச உள்ளனர் என்றார்.


தினகரன்

சிறப்பு பொருளாதார மண்டலங்கள் சென்னை மண்டலம் சாதனை

சிறப்பு பொருளாதார மண்டல சட்டம் நடைமுறைக்கு வந்த பிறகு உருவாக்கப்பட்ட சிறப்பு பொருளாதார மண்டலங்களிலேயே சென்னை பிளக்ஸ்ட்ரானிக்ஸ் முதலிடத்தை பிடித்துள்ளது என மத்திய வர்த்தக அமைச்சகம் தெரிவித்துள்ளது.

நாட்டில் மொத்தம் 63 சிறப்பு பொருளாதார மண்டலங்கள் உள்ளன. இவை கடந்த ஆண்டு பிப்ரவரி வரை ரூ.21 ஆயிரத்து 631 கோடிக்கு பொருட்களை ஏற்றுமதி செய்துள்ளன. இன்றுவரை இம்மண்டலங்களில் பல்வேறு நிறுவனங்கள் ரூ.13,435 கோடி முதலீடு செய்துள்ளன.2005-06ம் ஆண்டில் இம்மண்டலங்கள் ரூ.22 ஆயிரத்து 309 கோடியை ஏற்றுமதி வருமானமாக ஈட்டின.

சென்னை பிளக்ஸ்ட்ரானிக்ஸ் ஹார்டுவேர் மண்டலம் ரூ.6 ஆயிரத்து 901 கோடிக்கு ஹார்டுவேர் தயாரிப்புகளை ஏற்றுமதி செய்ய உள்ளது. சிறப்பு பொருளாதார சட்ட அமலாக்கத்திற்குப் பிறகு உருவான இம்மண்டலம், நாட்டில் உள்ள 63 சிறப்பு பொருளாதார மண்டலங்களிலேயே ஏற்றுமதியில் முதலிடத்தைப் பிடிக்கும் என்று வர்த்தக அமைச்சகம் தெரிவித்துள்ளது.

- தினகரன்

இந்தியாவில் எந்த நேரத்திலும் பறவைக்காய்ச்சல் தாக்கலாம்

இந்தியாவில் பறவைக் காய்ச்சல் நோய் எந்த நேரத்திலும் பரவலாம் என மத்திய வேளாண் துறை இணை அமைச்சர் காந்திலால் புரியா, நாடாளுமன்றத்தில் தெரிவித்தார்.

இந்தியாவின் அண்டை நாடுகளான பாகிஸ்தான், ஆப்கானிஸ்தான் மற்றும் மியான்மரில் கடந்த வாரம் பறவைக்காய்ச்சல் நோய் பரவியிருப்பது கண்டுபிடிக்கப்பட்டது. பொதுவாக பறவைக்காய்ச்சல் நோய் ஒரு நாட்டிலிருந்து வேறு நாட்டுக்கு இடம் பெயரும் பறவைக் கூட்டங்களால் பரவுகிறது. தற்போது அண்டை நாடுகளில் பரவியிருப்பதால் இந்தியாவிலும் பரவுவதற்கான வாய்ப்புகள் அதிகம் இருப்பதாக அமைச்சர் கூறினார். இதையடுத்து நோய் தடுப்பு நடவடிக்கைகள் எடுக்க கால்நடை பராமரிப்பு ஆணையத்துக்கு உத்தரவிட்டதாக அமைச்சர் அறிவித்தார்.

- மாலை முரசு

இந்திய அணி தோற்றால் ரூ.6ஆயிரம் கோடி நஷ்டம்

இந்திய அணி சூப்பர் 8க்கு கூட நுழையாமல் வெளியேறினால் சுமார் 6 ஆயிரம் கோடி ரூபாய் வர்த்தக நிறுவனங்களுக்கு நஷ்டம் ஏற்படும் என்று கணிக்கப் பட்டுள்ளது.

இந்திய கிரிக்கெட் அணி உலக கோப்பை அரை இறுதிவரை அநாசயமாக சென்று பிறகு இறுதி போட்டியை எளிதில் எட்டிவிடும், இந்தியாவில் உலககோப்பை ஜுரம் ஏப்ரல் 28ல் இறுதி போட்டி நடக்கும் நாள் வரை நீடிக்கும் என்று வர்த்தக நிறுவனங்கள் கணக்குப்போட்டன. எனவே உலககோப்பை பரபரப்பை வைத்து சுமார் 15 ஆயிரம் கோடி ரூபாய் வரை பிஸ்னஸ் செய்து விட அவைகள் திட்டமிட்டிருந்தன. அதற்கு ஏற்ப ஒவ்வொரு நிறுவனமும் பெரிய தொகையை முதலீடு செய்திருந்தன.

உலககோப்பையை வைத்து தங்கள் வர்த்தகத்தை பல மடங்கு பெருக்கிக் கொள்ளலாம் என்று கணக்குப் போட்ட நிறுவனங் கள் இப்போது முதலுக்கே மோசம் வந்து விடுமோ என்று கலங்கி நிற்கின்றன.

- மாலை மலர்

'தமிழகத்தில் இருந்து ரூ.300 கோடி கைத்தறி துணி ஏற்றுமதி'

தமிழகத்தில் இருந்து வெளிநாடுகளுக்கு இந்த ஆண்டில் கைத்தறி துணி ஏற்றுமதி ரூ.300 கோடியை எட்டும் என்று மாநில நிதியமைச்சர் க.அன்பழகன் தெரிவித்துள்ளார்.

தமிழகத்தில் இருந்து வெளிநாடுகளுக்கு இந்த ஆண்டில் கைத்தறி துணி ஏற்றுமதி ரூ.300 கோடியை எட்டும் என்றும், ஏற்றுமதி மூலம் கிடைக்கும் வருவாயின் வாயிலாக நெசவாளர்கள் துயர் துடைக்க முடியும் என்றும் தெரிவித்தார்.

கையால் நெசவு செய்யப்பட்டது என்ற முத்திரையுடன் அமெரிக்கா போன்ற நாடுகளில் விற்கப்படும் தமிழகத்தின் கைத்தறி துணிகளுக்கு அதிக வரவேற்பு உள்ளதாகத் தெரிவித்த அவர், ஒருங்கிணைந்த ஏற்றுமதி முறையில் கைத்தறி துணிகளின் வணிகத்தை மேம்படுத்த முடியும் என்றும் தெரிவித்தார்.


Yahoo - Tamil

5 வது நாளாக முடங்கியது பாராளுமன்றம்

நந்திகிராம பிரச்சனை தொடர்பாக எதிர்கட்சிகள் அமளியில் ஈடுபட்டதால் பாராளுமன்றம் தொடர்ந்து ஐந்தாவது நாளாக இன்றும் முடங்கியது.

Yahoo - Tamil

-o❢o-

b r e a k i n g   n e w s...