சற்றுமுன்:ஐஸ்வர்யா - அபிஷேக் கல்யாணதேதி அறிவிப்பு

வெகுநாட்களாக ஊடகங்களில் பலவித ஆரூடங்களை எழுப்பி வந்த பாலிவுட் நட்சத்திரங்கள் அபிஷேக் பச்சன், ஐஸ்வர்யா ராய் திருமணம் எளிய முறையில் அமிதாப் பச்சனின் மும்பை ஜுஹூ இல்லத்தில் வரும் ஏப்ரல் 20ம் தேதி நடைபெறும் என அறிவிக்கப் பட்டுள்ளது. இவர்களுக்கு ஜனவரி 14 அன்று நிச்சயதார்த்தம் நடந்தது.


DNA - After Hrs - செய்தி

சற்றுமுன்: மட்டக்களப்பில் விடுதலைப்புலிகள்் தாக்குதல்

இன்று மட்டக்களப்பு செங்காலடி இராணுவமுகாமை விடுதலைபுலிகளின் தற்கொலைப் படையொன்று நடத்திய தாக்குதலில் நான்கு பேர் மரணமடைந்தனர், பதினாறு பேர் காயமுற்றனர். டிரைலருடன் கூடிய ட்ராக்டர் வண்டியில் வெடிப்பொருள்களை கொணர்ந்து முகாமின் வாயிலருகே வெடித்ததில் சில சிவிலியன்களும் பாதிக்கப் பட்டிருக்கலாம் என்றபோதும் மேல் விவரங்கள் தெரியவில்லை.


LTTE strikes again - World-Sections-TIMES NOW.tv

சற்றுமுன்: இஸ்ரேல் பாலஸ்தீன அரசுடன் பேச்சுக்களுக்கு சம்மதம்

இஸ்ரேலிய பிரதமர் ஒல்மெர்ட் அமெரிக்காவின் வற்புறுத்தலின் பேரில் பாலஸ்தீன அதிபர் மகமூத் அப்பாஸுடன் நேரடி பேச்சுவார்த்தைகளில் ஈடுபட சம்மத்திதுள்ளார். அமெரிக்க வெளியுறவு செயலர் காண்ட்லெஸ்ஸா ரைஸின் தீவிர தூதுமுயற்சிக்குப் பிறகு தீவிரவாத அமைப்பான ஹமாஸின் கீழ் இயங்கும் பாலஸ்தீன அரசுடன் பேச மாட்டேன் என அடம் பிடித்த ஒல்மெர்ட் குறைந்தபட்ச பேச்சுக்களுக்கு உடன்பட்டார். இது நம்பிக்கையை வளர்க்கும் என்றும் பின்னால் முழுஅளவு பேச்சுவார்த்தைகளுக்கு வழி வகுக்கும் என்றும் அறிமுகப் படுத்திக் கொள்ள விரும்பாத அதிகாரிகள் கூறினர்.
மேலும் விவரங்களுக்கு.. Los Angeles Times

இந்தியரை கவர குவைத்தில் சட்டம் தளர்வு.

இந்திய தொழிலாளர்களை கவர்ந்து இழுக்கும் வண்ணம் குவைத் அரசு தனது தொழிலாளர் சட்டத்தை தளர்த்தி உள்ளது எண்ணெய் ஏற்றுமதியில் ஏற்பட்டுள்ள விரிவாக்கமே இதற்க்கு முழுக்காரணம்.

நன்றி: தமிழ் சுடர்

சற்றுமுன்:-பெண்ணுறை வழங்கும் திட்டம்

தமிழ்நாட்டில் பெண்பாலியல் தொழிலாளர்களுக்கு பெண்ணுறையை விநியோகிக்கும் மிகப்பெரிய திட்டம் ஒன்று துவங்கப் பட்டுள்ளது.

தமிழக அரசின் எய்ட்ஸ் கட்டுப்பாட்டு மையமும், வேறு சில தொண்டு நிறுவனங்களும் இணைந்து இந்த திட்டத்தை நடைமுறைப்படுத்த இருக்கின்றன.
இதன்படி, மாநிலத்தில் இருக்கும் சுமார் மூவாயிரம் பெண் பாலியல் தொழிலாளர்களுக்கு, அடுத்த நான்கு மாத காலத்தில் அறுபதாயிரம் பெண்ணுறைகள், மிகக்குறைந்த விலையில் விநியோகிக்கப்பட இருக்கின்றன.

பெண் பாலியல் தொழிலாளர்கள் மூலம் எச்.ஐ.வி தொற்று பரவுவதை தடுக்கும் நோக்கத்துடன் இந்த திட்டம் பரீட்சார்த்த முறையில் நடைமுறைப்படுத்தப்படுகிறது.

குறிப்பாக, அவர்களிடம் வரும் ஆண் வாடிக்கையாளர்கள் ஆணுறையை அணிய மறுக்கும் சூழல்களில், இந்த பெண்ணுறை அவர்களுக்கு மிகப்பெரிய பாதுகாப்பு கவசமாக இருக்கும் என்கிற கருத்து சம்பந்தப்பட்ட அதிகாரிகளாளும், தன்னார்வத் தொண்டு நிறுவன ஊழியர்களாலும் முன்வைக்கப்படுகிறது.

மேலும், பெண்ணுறை என்பது, பாலியல் தொழிலாளர்களுக்கு மட்டுமல்லாமல், சராசரி பெண்களுக்கும் கூட, பால்வினை நோய்களிலிருந்தும், தேவையற்ற கருத்தரிப்பிலிருந்தும் பாதுகாப்பளிக்கும் என்கிற கருத்தும் இவர்களால் முன்வைக்கப்படுகிறது.

பெண்களின் பாலியல் சுதந்திரம் மற்றும் உடல் ஆரோக்கியத்திலும் இந்த பெண்ணுறை ஆக்கப்பூர்வமான பங்காற்றக்கூடிய சாதனமாக உருவெடுக்கும் என்கிற எதிர்பார்ப்பும் நிலவுகிறது.
இதன் பல்வேறு பரிமாணங்களை அலசும் பெட்டகத்தை நேயர்கள் இங்கே கேட்கலாம்.

ஒலிவடிவில் :- www.bbc.co.uk/tamil/wcondom.ram

நன்றி: பிபிசி-தமிழ்

சற்றுமுன்: ஏப்ரல் 6ல் பிசிசிஐ செயற்குழு கூட்டம்

இந்திய கிரிக்கெட் வீரர்களின் தலையெழுத்தை நிர்ணயம் செய்ய அடுத்த மாதம் 6 மற்றும் 7ம் தேதிகளில் பிசிசிஐயின் செயற்குழு கூட்டம் கூடுகிறது.

இந்த கூட்டத்தில் இந்திய பயிற்சியாளர் கிரேக் சாப்பல், அணியின் கேப்டன் ராகுல் டிராவிட் ஆகியோர் பதவி குறித்தும், மற்ற வீரர்களின் நிலை குறித்தும் விரிவாக விவாதிக்கப்படும்.


"Yahoo Tamil"

அதிர்ச்சித்தோல்விகள் தொடர்கின்றன

சோனி எரிக்சன் ஓப்பன் 3.45 மில்லியன் டாலர் மொத்தப் பரிசுத்தொகைக்கான டென்னிஸ் போட்டிகள் அமெரிக்காவின் மயாமி நகரில் நடந்து வருகிறது.

இதன் மூன்றாம் சுற்று ஆட்டங்கள் இன்று நடந்து வருகின்றன.


நான்காம் நிலை வீரர் ரஷ்யாவின் நிக்கோலாய் டாவிடென்கோ , அமெரிக்க நாட்டின் அறிமுக நிலை வீரரான அமெர் டெலிக்கிடம் 6-7,3-6 என்ற செட் கணக்கில் தோற்றுப்போனார்.

முன்னதாக நேற்று நடந்த ஆட்டங்களில் ஐந்தாம் நிலை ஆட்டக்காரர் சிலி நாட்டின் ஃபெர்ணாந்தோ கன்ஸாலஸ், பிரான்சு நாட்டின் வீரரான பால் ஹென்ரி மாத்யூவிடம்
6-3,7-6 என்ற நேர் செட் கணக்கில் தோற்றுப்போனார்.

உலகின்முதல் நிலை ஆட்டக்காரர் சுவிட்சர்லாந்து நாட்டின் ரோஜர் பெடரர் இன்று ஸ்பெயின் நாட்டின் நிக்கோலஸ் அல்மாக்ரோவிடம் மோத உள்ளார்.


சோனி எரிக்சன் , ஏடிபி டென்னிஸ்

சற்றுமுன்: விஜயகாந்த் திருமண மண்டபம் இடிக்க சுப்ரீம் கோர்ட் அனுமதி

விஜயகாந்தின் திருமண மண்டபத்தை இடிப்பதற்கு தடை விதிக்கக் கோரி தாக்கல் செய்த மேல் முறையீட்டு மனுவை சுப்ரீம் கோர்ட் தள்ளுபடி செய்தது.

ஐகோர்ட் தீர்ப்பை எதிர்த்து சுப்ரீம் கோர்ட்டில் பிரேமலதா மேல் முறையீடு செய்தார்
இம்மனுவை விசாரித்த நீதிபதிகள் எச்.கே.சீமா, எல்.எஸ்.பாண்டா ஆகியோர் அடங்கிய சுப்ரீம் கோர்ட் பெஞ்ச், மண்டபத்தை இடிப்பதற்கு தடை விதிக்க மறுத்து விட்டது.

மேலும், கோயம்பேடு சந்திப்பில் தேசிய நெடுஞ்சாலைத் துறையினர் மேம்பாலம் கட்ட வழி விடும்படி அறிவுரை கூறியது.

இதையடுத்து, "மண்டபத்தை ஒப்படைக்க ஒரு வாரம் கால அவகாசம் தர வேண்டும்' என பிரேமலதா சார்பில் ஆஜரான மூத்த வக்கீல் விசுவநாத அய்யர் கேட்டார். அதை சுப்ரீம் கோர்ட் ஏற்கவில்லை.

- தினமலர்

சற்றுமுன்: கனடா பட்ஜெட் - அறிவியலுக்கு கிடைத்த வரம்.

கனடா அரசாங்கம் அறிவியலுக்கு சுமார் $9.2 billion ($7.82 billion U.S.) பட்ஜெட்டில் நிதி ஒதுக்கியுள்ளது. இது அறிவியலுக்கு கிடைத்த வரம். இதன் மூலம் அறிவியல் வளர்ச்சி பெறும் என நம்பப்படுகிறது.

"செய்தி: SCIENCEMAG.ORG"

சற்றுமுன்: அபாயகரமான பெண் நரிகள் குளோன் செய்யப்பட்டது.

அபாயகரமான பெண் நரிகள் குளோன் செய்யப்பட்டுள்ளதாக தென் கொரிய ஆராயச்சியாளர்களால் அறிவிக்கப்பட்டுள்ளது. கடந்த 2005 அக்டோபர் மாதம் இவை குளோன் செய்யப்பட்டதாகவும் தற்பொழுது ஆரோக்கியமாக உள்ளதாகவும் தெரிவித்துள்ளனர்.

"Discovery News"

சற்றுமுன்: குடும்ப டி.வி. வருமான கணக்கை தர தயாரா? கருணாநிதிக்கு ஜெ சவால்

கர்நாடகா, ஆந்திரா, கேரளா ஆகிய மாநிலங்களில் தமிழர்களுக்கு எதிரான நிலைப்பாடு கொண்டுள்ள "சன்' குழும டி.வி.க்களின் வருமான கணக்கை அளிக்கத் தயாரா என்று முதலமைச்சர் கருணாநிதிக்கு அதிமுக பொதுச் செயலாளர் ஜெயலலிதா சவால் விடுத்துள்ளார்.

"மாலைச் சுடர் முழு செய்திக்கு இங்கே செலுங்க.."

சற்றுமுன்: சச்சின் மாதிரி உள்ளவரா விடாதே பிடி, அடி

சச்சின், ஷேவாக், டோனி போன்ற கிரிக்கெட் வீரர்கள் போன்று முகத்தோற்றம் உடையவர்கள் ஓடி ஒளிய வேண்டியுள்ளதாக தகவல்கள் தெரிவிக்கின்றது.

கிரிக்கெட் வீரர்களை போன்ற உருவம் உடையவர்கள் அவ்வப்போது தொலைக்காட்சிகள் மற்றும் உள்ளூர் விழாக்களில் தோன்றி ரசிகர்களின் கரகோஷத்தை பெற்று வந்தனர்.

ஆனால் இன்று அவர்களின் நிலைமை கவலைக் கிடமாக உள்ள தாகவும், பொதுமக்களுக்கு பயந்து ஓடி ஒளிய வேண்டி உள்ளதாகவும் செய்திகள் தெரிவிக்கின்றன. குஜராத்தை சேர்ந்தவர் யோகேந்திர ஷா, இவர் இந்திய வீரர் வீரேந்திர ஷேவாக்கை போன்ற முகத்தோற்றம் உடையவர். இதனால் "ஜி' டிவியில் ஒரு சில நிகழ்ச்சிகளில் இவர் பங்கேற்றுள்ளார். இந்திய அணி இலங் கையிடம் தோல்வி யுற்றதால் இவரது தெருவில் வசிப்பவர்கள் இவரை ஷேவாக் என்று நினைத்து அடிக்க வருவதாக கூறுகிறார்.

அதேபோன்று ஐதராபாத்தில் வசிக்கும் சுரேஷ் ரத்தோர் பார்ப்பதற்கு சச்சின் டெண்டுல்கர் போல தோற்றமளிப்பார். முகேஷ் பட்டேல் என்பவர் விக்கெட் கீப்பர் டோனியை போன்று பார்ப்பதற்கு இருப்பார்.

இவர்கள் இருவரையும் பகுதிவாழ் மக்கள் தற்போது வெறுப்புடன் பார்ப்பதாகவும், வசைபாடுவதாகவும் தெரிவித்துள்ளனர். இந்த ஏச்சுக்கு பயந்து இவர்கள் தங்கள் சொந்த ஊரை விட்டு வேறு பகுதிகளுக்கு செல்ல முடிவெடுத் துள்ளனர். இந்திய அணியின் தோல்வி யார் யாரை எல்லாம் எப்படி எப்படியெல்லாம் பாதிக்கிறது.

- மாலைச் சுடர்

சற்றுமுன்: அமிதாப், ஜானி டெப் மீரா நாயரின் படத்தில்

மீரா நாயர் 'தெ நேம்சேக்' (The Namesake) படத்துக்கு அடுத்ததாக ஷந்தரம் எனும் படத்தை இயக்கவிருக்கிறார். கிரகரி டேவிட் ராபர்ட் என்பவரின் நாவல் இது.

இந்தப்படத்தில் டானாக(Don) அமிதாப்பும், மும்பை சேரிகளில் திடீரெனத் தன்னை உணரும் போதைக்கு அடிமையான வெளிநாட்டவராய் ஜானி டெப்'ம்(Johny Depp) நடிக்கவுள்ளனர்.

மற்ற மீரா நாயர் படங்களைப்போலால்லாமல் பெரிய பட்ஜட் படமாக இது அமையும் என மீரா நாயர் தெரிவித்திருக்கிறார்.

Mira Nair ropes in Bachchan, Depp for next movie

தமிழகத்தில் மக்களவை, சட்டப் பேரவைத் தொகுதிகள் மறுசீரமைப்பு முன்வரைவு பட்டியலை திரும்ப பெறக் கோரி ஏப். 22 முதல் போராட்டம்: டாக்டர் கிருஷ்ணசாமி

மதுரை, மார்ச் 26: தமிழக நாடாளுமன்ற, சட்டப் பேரவைத் தொகுதிகள் மறுசீரமைப்பு முன்வரைவுப் பட்டியலை திரும்பப் பெறுமாறு தேர்தல் ஆணையத்தை வலியுறுத்தி ஏப்ரல் 22 முதல் போராட்டம் நடைபெறும் என புதிய தமிழகம் கட்சியின் தலைவர் டாக்டர் க. கிருஷ்ணசாமி தெரிவித்தார்:

"30 ஆண்டுகளுக்கு முன் மேற்கொள்ளப்பட்ட தொகுதி சீரமைப்பில் தமிழகத்தில் இதுவரையிலும் 30 மாவட்டங்களிலும் பரவலாக 7 மக்களவை தனித் தொகுதிகள் இருந்தன. தற்போதைய வரைவுப் பட்டியலில் வட தமிழகத்தில் உள்ள 5 மாவட்டங்களில் மட்டும் தனித் தொகுதிகள் உள்ளடங்குமாறு செய்யப்பட்டுள்ளது.

தெற்கு மற்றும் மத்திய மாவட்டங்களில் உள்ள தேவேந்திர குல வேளாளர்கள், மேற்கு மாவட்டங்களில் உள்ள அருந்ததியர் இன மக்கள் குறைந்தபட்ச ஜனநாயக உரிமைகளைப் பெறமுடியாத வகையில் நாடாளுமன்றத் தனித் தொகுதிகள் பட்டியலிலிருந்து பறிக்கப்பட்டுள்ளன.

தற்போது

• காஞ்சிபுரம்,
  
• நாகப்பட்டினம்,
  
• சிதம்பரம்,
  
• விழுப்புரம்,
  
• கள்ளக்குறிச்சி,
  
• கடலூர்,
  
• திருவள்ளூர்

ஆகிய தொகுதிகள் வரைவுப் பட்டியலில் இடம்பெற்றுள்ளன.

இது இரு மாவட்டங்களில் தலா இரு தொகுதிகள் இடம்பெற்றிருப்பதைக் காட்டுகிறது. எனவே, வெளியிடவுள்ள மறு சீரமைப்பு முன் வரைவுப் பட்டியலைத் திரும்பப் பெற வேண்டும். மாவட்ட, ஒன்றிய அளவில் தாழ்த்தப்பட்ட மக்களில் உள்ள உள்பிரிவு சாதிகளின் மக்கள்தொகை கணக்கெடுப்பு நடத்த வேண்டும். இதன்பின் மறுசீரமைப்புப் பணி மேற்கொள்ளவேண்டும்.

ஏற்கெனவே உள்ள

• தென்காசி,
  
• பொள்ளாச்சி,
  
• ராசிபுரம்,
  
• பெரம்பலூர்

போன்ற தொகுதிகள் தனித் தொகுதிகளாக நீடிக்க வேண்டும். இக் கோரிக்கைகளை வலியுறுத்தி பல கட்டப் போராட்டம் நடத்த தேவேந்திரகுல வேளாளர், அருந்ததியர் அமைப்பு உள்ளிட்ட கூட்டமைப்பு முடிவு செய்துள்ளது."

Dinamani

சற்றுமுன்: நந்திகிராம்: சிபிஐ விசாரணை நிறுத்தி வைத்தது உயர்நீதிமன்றம்

மார்ச் 14இல் நடந்த நந்திகிராம் துப்பாக்கிச்சூடு பற்றிய சிபிஐ விசாரணையை தொடர மறுத்து கொல்கொத்தா உயர்நீதிமன்றம் உத்தரவிட்டது. புலானாய்வு துறை இதுவரை கண்ட ஆதாரங்களை சீலிட்ட உறைகளில் வைத்திருக்குமாறும் உத்தரவிட்டது. முன்னதாக கொல்கொத்தா உயர்நீதிமன்றத்தின் தலைமை நீதிபதி ஊடக செய்திகளின் அடிப்படையிலும் ஆளுநரின் அறிக்கையை கொண்டும் சிபிஐ விசாரணைக்கு உத்தரவிட்டார்.

மேல் விவரங்களுக்கு The Hindu News